ATP 500 ءتۋرنيرى «ۇلكەن دۋلىعا» ساناتىنا ەنەتىن ءتورت ءىرى جارىس پەن ATP Masters 1000 دودالارىنان كەيىنگى ءۇشىنشى دەڭگەيدەگى جارىس بولىپ ەسەپتەلەدى. ەلورداداعى تەننيسشىلەردىڭ ماڭىزدى سايىسى 1-9 قازان ارالىعىندا ۇلتتىق تەننيس ورتالىعىنىڭ كورتتارىندا وتەدى.
«اTP-دىڭ قازاقستانعا وسىنداي دەڭگەيدەگى جارىستى وتكىزۋدى سەنىپ تاپسىرعانىنا قۋانىشتىمىز. بۇل – ەلىمىزدە تەننيستى دامىتۋ ءۇشىن الەمدىك وزىق تاجىريبەنى پايدالانۋداعى باعىتىمىزدىڭ دۇرىستىعىن كورسەتەدى», دەدى قازاقستان تەننيس فەدەراتسياسىنىڭ پرەزيدەنتى, حالىقارالىق تەننيس فەدەراتسياسىنىڭ (ITF) ۆيتسە-پرەزيدەنتى بولات وتەمۇراتوۆ.
تاعى ءبىر اتاپ وتەتىن جايت, قازىردىڭ وزىندە Astana Open-گە الەمدەگى ەڭ ۇزدىك 10 تەننيسشىنىڭ قاتارىنا كىرەتىن بىرقاتار سپورتشى قاتىسۋعا نيەت ءبىلدىرىپ وتىر. ولاردىڭ قاتارىندا الەمنىڭ 1-راكەتكاسى, اقش اشىق چەمپيوناتىنىڭ جەڭىمپازى رەسەيلىك دانيل مەدۆەدەۆ بار.
