قر سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى حابارلاعانداي, ازاماتتاردىڭ 1424 سall-ورتالىعىنا سىبايلاس جەمقورلىق فاكتىلەرى تۋرالى حابارلاۋى - سىبايلاس جەمقورلىققا قارسى قىزمەتكە سەنىم ارتتىرۋدا ەرەكشە ءرول وينايدى.
«1424 ساll-ورتالىقتىڭ وپەراتورلارى تاۋلىك بويى سىبايلاس جەمقورلىق تۋرالى حابارلامالارعا جانە بيزنەسكە جاسالعان قىسىمعا جاۋاپ بەرەدى, شاعىمداردى, پىكىرلەردى قابىلدايدى, كونسۋلتاتسيالىق كومەك كورسەتەدى», دەپ حابارلادى ۆەدومستۆودا.
وتكەن جىلى 1424 سall-ورتالىعىنا 28 ءوتىنىش كەلىپ تۇسكەن. ونىڭ 18-ءى «اقپاراتتى ەسەپكە الۋ كىتابىندا» تىركەلدى. ولار بويىنشا قىلمىستىق جانە قىلمىستىق ءىس جۇرگىزۋ زاڭناماسى اياسىندا جۇمىس جۇرگىزىلۋدە.
سونىمەن قاتار وسى جىلدىڭ 6 ايىندا سىبايلاس جەمقورلىق فاكتىسىن حابارلاعان ءۇش الماتىلىققا 640 مىڭ تەڭگە كولەمىندە سىياقى تابىستالدى.
ايتا كەتسەك, ازاماتتاردى ىنتالاندىرۋ اقپاراتتىڭ شىنايىلىعى, سونداي-اق, زاڭدى كۇشىنە ەنگەن سوت ۇكىمى بولعان كەزدە عانا جۇزەگە اسىرىلادى.
«سىياقى سوماسى سىبايلاس جەمقورلىق قۇقىق بۇزۋشىلىقتىڭ اۋىرلىعىنا بايلانىستى. پارا نەمەسە كەلتىرىلگەن زالال سوماسى 1 مىڭ اەك-تەن اسپايتىن سىبايلاس جەمقورلىق قۇقىق بۇزۋشىلىق تۋرالى حابارلاما, سىياقى 30-دان 100 اەك-كە دەيىن قۇرايدى. كورسەتىلگەن سومادان ارتىق – سىياقى 10%-دى قۇرايدى, بىراق 4 مىڭ اەك-تەن اسپايدى», دەپ قوستى دەپارتامەنتتە.
