بايراقتى باسەكەنىڭ ەكىنشى اينالىمىندا جەرلەسىمىز تۇركيالىق يانكي ەرەلمەن كەزدەسىپ, ەكى سەتتە – 7:6 (8:6), 6:4 ەسەبىمەن جەڭىسكە جەتتى. ەندى دميتري پوپكو جارىستىڭ جارتىلاي فينالىنا شىعۋ ءۇشىن رەسەيلىك ەۆگەني دونسكوي نەمەسە چەحيالىق داۆيد پولياكتىڭ بىرىمەن شەبەرلىك بايقاسادى.
ال ايەلدەر اراسىنداعى پرەزيدەنت كۋبوگى جولىنداعى ITF W60 دوداسىنىڭ جەكەلەي جارىسىندا بىردە-ءبىر قازاقستاندىق تەننيسشى قالمادى. ەكىنشى اينالىمدا باق سىناعان جىبەك قۇلامباەۆا وڭتۇستىككورەيالىق نا لي حاننان ەكى سەتتە – 6:1, 6:2 ەسەبىمەن جەڭىلسە, گوزال اينيتدينوۆا دا رەسەيلىك اناستاسيا زولوتارەۆاعا ەكى سەتتە ەسە جىبەردى – 6:1, 7:5. ەندى جىبەك پەن گوزال جۇپتىق سىندا شيرەك فينالدىق ماتچتارىن وتكىزەدى.
