سونىمەن, مەرەكەلىك كۇندەر تىزىمىندە جاڭا كاسىبي مەرەكە پايدا بولادى: 16 ءساۋىر - تۇرعىن ءۇي-كوممۋنالدىق شارۋاشىلىق قىزمەتكەرلەرى كۇنى.
تۇسىندىرمە جازبادا ايتىلعانداي, تۇرعىن ءۇي-كوممۋنالدىق شارۋاشىلىق (تكش) سالاسىنىڭ قىزمەتكەرلەرى تاۋلىك بويى ەل حالقىن جىلۋمەن, ەلەكتر ەنەرگياسىمەن, سۋمەن قامتاماسىز ەتەدى, كوشەلەردىڭ تازالىعىن قاداعالايدى, سونداي-اق ەلدىڭ تۇرعىن ءۇي قورىن باسقارادى, وسىلايشا ازاماتتاردىڭ قولايلى جانە جايلى ءومىر سۇرۋىنە جاعداي جاسايدى.
تكش قىزمەتكەرلەرى كۇنى كسرو-دا 1966 جىلدان باستاپ شىلدەنىڭ ءتورتىنشى جەكسەنبىسىندە اتالىپ ءوتتى جانە تمد-نىڭ كوپتەگەن ەلدەرىندە, سونىڭ ىشىندە رەسەي, بەلارۋس, ۋكراينا, وزبەكستاندا ساقتالدى.
يدم حابارلاعانداي, بۇل مەرەكەنى ەنگىزۋ اتالعان سالاعا جوعارى بىلىكتى جاس ماماندار مەن ينجەنەرلەردىڭ كەلۋىنە, سونداي-اق تكش قىزمەتكەرلەرى كاسىبىنىڭ بەدەلىن ارتتىرۋعا ىقپال ەتەدى.
قاۋلى جوباسى 2 تامىزعا دەيىن اشىق نقا سايتىندا ورنالاستىرىلعان.
