تەڭىز كەن ورنى جىلىوي اۋدانىنىڭ ورتالىعى – قۇلسارى قالاسىنان 100 شاقىرىمنان استام قاشىقتا ورنالاسقان. كەن ورنىنداعى ينۆەستيتسيالىق جوبالاردى ىسكە اسىرۋعا بىرنەشە وتاندىق جانە شەتەلدىك كومپانيا مەردىگەرلىككە تارتىلعان. سونىڭ ءبىرى – وتاندىق ISKER جشس. اتالعان كومپانيانىڭ 30-دان استام جۇمىسشىسى ۆاحتالىق كەنتتەگى اسحانادان تۇسكى اس ىشكەن سوڭ ۋلانىپ قالعان. تاماق ىشكەننەن كەيىن وزدەرىن جايسىز سەزىنگەن جۇمىسشىلار دارىگەرلىك كومەككە جۇگىنگەن. ولارعا «ورتاشا اۋىرلىقتاعى ديارەيا» دياگنوزى قويىلدى.
تەڭىز كەن ورنىنداعى مەديتسينالىق كلينيكادا تاماقتان ۋلانعان جۇمىسشىلارعا العاشقى كومەك كورسەتىلگەن. سودان سوڭ ولاردىڭ ءبىر توبى كلينيكاعا جاتقىزىلعان. جەڭىل دارەجەدە زارداپ شەككەن جۇمىسشىلاردىڭ كەيبىرى جاتاقحاناعا جىبەرىلگەن.
«تەڭىزشەۆرويل» جشس-ءنىڭ ءباسپاسوز قىزمەتى اتالعان وقيعاعا بايلانىستى اقپاراتتى كەيىن بەرۋگە ۋادە ەتتى.
