مەملەكەت باسشىسى تاياۋدا وتكەن ۇكىمەتتىڭ كەڭەيتىلگەن وتىرىسىندا ايتقانداي, حالىق ينفلياتسيا مەن ازىق-ت ۇلىك تاۋارلارىنىڭ باعاسىن تۇراقتاندىرۋدا, سونداي-اق ازاماتتاردىڭ تابىسىن ارتتىرۋ مەن ەكونوميكانىڭ ناقتى سەكتورىن قولداۋ باعىتىندا ناقتى, جۇيەلى ءارى ناتيجەلى جۇمىستاردى كۇتەدى.
وبلىس اكىمى پرەزيدەنت جۇكتەگەن تاپسىرمالار ستراتەگيالىق سيپاتقا يە ەكەنىن جانە سىرتقى سىن-قاتەرلەردى ەسكەرە كەلە, جاڭا كەزەڭدەگى مەملەكەتتىك دامۋدىڭ باعىتىن ايقىندايتىنىن جەتكىزدى.
«سوندىقتان ءىس-قيمىلىمىزدى ۇيلەستىرىپ, قالىپتاسقان جاعدايدى جان-جاقتى زەرتتەپ, مەملەكەت باسشىسى الدىمىزعا قويىپ وتىرعان مىندەتتەردى ىسكە اسىرۋ ءۇشىن ناقتى قابىلدايتىن شارالاردى بەكىتۋىمىز قاجەت», دەدى ن.ۇرانحاەۆ.
ونىڭ ايتۋىنشا, قاجەتتى ازىق-ت ۇلىك ونىمدەرىنىڭ باعاسىن تۇراقتاندىرۋدا قابىلدانىپ جاتقان قازىرگى امالدار ناتيجەسىز. بۇل اسىرەسە الەۋمەتتىك ماڭىزدى تاۋارلاردىڭ باعاسىنا مونيتورينگ جۇرگىزۋ مەن جۇمىس توپتارىنىڭ وتىرىسىنا قاتىستى.
قازىر سەمەيدە باعانى ۇستاپ تۇرۋ ءۇشىن 5,5 مىڭ توننا كارتوپ پەن كوكونىستى ساقتاۋعا ارنالعان Jolaman كوتەرمە-تاراتۋ ورتالىعى جۇمىس ىستەيدى. بۇل رەتتە ينۆەستورلاردى تارتۋ ارقىلى قوسىمشا كوتەرمە-تاراتۋ ورتالىقتارىن سالۋ ماسەلەسى قاراستىرىلىپ جاتىر. سول سەكىلدى الەۋمەتتىك ماڭىزى بار ونىمدەردىڭ باعاسىن رەتتەۋگە مۇمكىندىك بەرەتىن جەكە تۇراقتاندىرۋ قورىمەن قامتىلعان وڭىرلىك الەۋمەتتىك-كاسىپكەرلىك كورپوراتسياسىن قۇرۋعا بايلانىستى جۇمىس باستالدى.
«بيىلعى قىسقى ماۋسىمدا نارىقتىق باعالاردىڭ ءوسۋىن تەجەپ, كوكونىستەردى تومەن باعامەن ساتۋ ءۇشىن ءبىز Jolaman كوتەرمە-تاراتۋ ورتالىعىنىڭ قورىن كارتوپ, قىرىققابات جانە ءسابىز سىندى قاجەتتى ازىق-ت ۇلىك ونىمدەرىمەن تولىقتىرامىز. وسى باعىتتا جەرگىلىكتى وندىرۋشىلەرمەن بىرلەسىپ جۇمىس ىستەۋگە دايىنبىز.
وتاندىق بيزنەس ۇلتتىق ەكونوميكانى وركەندەتۋگە ءوز ۇلەسىن قوسۋعا ءتيىس. سونىمەن قوسا سەمەيدە حالىقارالىق ساۋدانى دامىتۋ قاجەت دەپ سانايمىز. بۇعان رەسەي مەن قىتايدىڭ وڭىرگە ىرگەلەس ورنالاسۋى وڭ ىقپال ەتە الادى. بىراق اتالعان باعىتتا مەملەكەتتىك قولداۋ قاجەت بولادى», دەدى «اقشىن» كورپوراتسياسىنىڭ پرەزيدەنتى مارات قۇرمانباي.
اباي وبلىسىندا حالىقتى جۇمىسپەن قامتۋ ماسەلەلەرى وتە وزەكتى. ەكى قولعا ءبىر كۇرەك تاپپاي جۇرگەندەردىڭ تابىسىن ارتتىرۋدى كوزدەيتىن تەتىكتەردىڭ ءبىرى 2025 جىلعا دەيىنگى كاسىپكەرلىكتى دامىتۋدىڭ ۇلتتىق جوباسى سانالادى.
ايتالىق, وسى جىلى وڭىردە 13 477 جۇمىس ورنىن اشۋ كوزدەلىپ وتىر. جارما اۋدانىندا «تسەمەنت زاۋىتىن قالپىنا كەلتىرۋ جانە جاڭعىرتۋ» جوباسىن ىسكە اسىرۋ ارقىلى 1 085 ادام جاڭا جۇمىس ورنىمەن قامتىلادى.
«الدا ەكونوميكانىڭ بارلىق سالاسىنىڭ باسەكەگە قابىلەتتىلىگى مەن ونىڭ يننوۆاتسيالىق قۇرامداس بولىگىنىڭ ساپاسىن ارتتىرۋعا بايلانىستى اۋقىمدى جۇمىس كۇتىپ تۇر. ءتيىمدى جۇمىستىڭ كەپىلى – بارلىق مەملەكەتتىك ورگاننىڭ, قارجى جانە قوعامدىق ينستيتۋتتاردىڭ ءىس-قيمىلدى ۇيلەستىرىپ, بىرلەسە ەڭبەك ەتۋىندە جاتىر. سوندىقتان پرەزيدەنتتىڭ تاپسىرمالارىن ىسكە اسىرۋ ءۇشىن اركىم ءوز ۋچاسكەسىندە بەلسەندىلىك تانىتىپ, قاجىرلى جۇمىس ىستەۋگە ءتيىس», دەدى ن.ۇرانحاەۆ.
اباي وبلىسى
