شىمكەنت قالالىق توتەنشە جاعدايلار دەپارتامەنتى تۇرعىندارعا ساقتىق شارالارىن قاتاڭ ساقتاۋ كەرەكتىگىن ەسكەرتەدى. سەبەبى, ىستىق اۋا رايى جۇرەك-قان تامىرلارى اۋرۋلارى, ارتەريالىق گيپەرتەنزياسى بار, سونداي-اق ينفاركت پەن ينسۋلت قاۋپى بار ادامدار ءۇشىن قاۋىپتى.
«باس كيىمسىز دالاعا شىقپاڭىز, كۇن ساۋلەسى تيۋدەن ساق بولۋ ءۇشىن كۇندىز قارت ادامدار مەن بالالار سەرۋەندەۋدەن باس تارتقانى ءجون. فيزيكالىق جاتتىعۋلاردى توقتاتۋ كەرەك. سوزىلمالى اۋرۋلارى بار ادامدار دارىگەردىڭ ۇسىنىستارىن ناقتى ورىنداپ, تاعايىندالعان ءدارى-دارمەكتەردى ۋاقتىلى قابىلداۋ قاجەت», دەيدى ماماندار.
