اتاپ ايتار بولساق, امەريكالىق شابۋىلشى ەنتوني لۋيس قحل-ءدىڭ الداعى ماۋسىمىندا ەلوردالىق كلۋب ساپىندا ونەر كورسەتەتىن بولدى. 27 جاستاعى حوككەيشى سولتۇستىك امەريكانىڭ ءتۇرلى ليگالارىندا ونەر كورسەتىپ, اقش-تىڭ جاسوسپىرىمدەر مەن جاستار قۇرامالارىنا شاقىرتۋ العان. 18 جاسىندا «چيكاگو» كومانداسىنىڭ ويىنشىسى اتانعان ول كەيىنگى التى جىلىن امەريكا حوككەي ليگاسىندا (احل) وتكىزگەن. ال بىلتىرعى ماۋسىمدا «داللاستىڭ» فارم-كلۋبىندا ونەر كورسەتىپ, تۇراقتى چەمپيوناتتىڭ 66 ماتچىندا 55 (24+31) ۇپاي جيناعان.
سونداي-اق ەلوردالىق كلۋب قازاقستاندىق باتىرلان مۇراتوۆ جانە ميحايل راحمانوۆپەن سىناما كەلىسىمشارت جاساعانىن مالىمدەدى. كەلىسىمشارت 2022 جىلدىڭ 31 تامىزىنا دەيىن جارامدى. ەكى حوككەيشى دە ءار جىلدارى «بارىس» ساپىندا ويناعان.
