ءباسپاسوز مالىمەتىنشە, اسىرەسە جازدا الكوگولسىز سۋسىن تۇتىنۋ مولشەرى ارتادى. سولاردىڭ كوبىنىڭ جاپسىرماسىندا سۋسىن قۇرامىندا شىرىندار, ەمدىك شوپتەردىڭ سىعىندىلارى, دارۋمەندەر مەن سەرگىتەتىن زاتتار بار ەكەنى جازىلادى. بۇل سۋسىندار بۇلشىقەت بەلسەندىلىگىن ۋاقىتشا ىنتالاندىرىپ, سەروتونين ارقىلى كوڭىل-كۇيدى كوتەرەدى. ءشولدى, ءتىپتى قارىننىڭ اشقانىن قىسقا ۋاقىتقا باسادى. تانىمال الكوگولسىز سۋسىنداردىڭ پايداسى وسى عانا. ال ولاردىڭ, اسىرەسە ەنەرگەتيكالىق سۋسىنداردىڭ ناقتى زيانى بار. مىسالى, ۇنەمى قولدانۋ ادام اعزاسىنىڭ پاتولوگياسىنا, ءتىس ەمالىنىڭ بۇزىلۋىنا جانە تەز سالماق قوسۋعا, قانت ديابەتىنە, گيپەرتونياعا, اتەروسكلەروزعا جانە باسقا اۋرۋلارعا اكەلۋى مۇمكىن.
«نۇر-سۇلتان قالاسىنىڭ سانيتاريالىق-ەپيدەميولوگيالىق باقىلاۋ دەپارتامەنتى يمپورتتىق جانە وتاندىق وندىرىستەن شىققان الكوگولسىز سۋسىنىڭ 63 ۇلگىسىنە, ونىڭ ىشىندە ەنەرگەتيكالىق سۋسىننىڭ 23 ۇلگىسىنە ساراپتاما جاسادى. زەرتتەۋ قورىتىندىسى بويىنشا, ەۋرازيا ەكونوميكالىق وداعىنىڭ تەحنيكالىق رەگلامەنت تالاپتارىنا 12 يمپورتتىق سۋسىن, ونىڭ ىشىندە 5 ەنەرگەتيكالىق سۋسىن سىناماسى سايكەس كەلمەدى», دەدى قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ ءبولىم باسشىسى قارلىعاش ابدىشەۆا.
Monster Ultra Can جانە Monster Energy Ultra جانە گرۋزين ليمونادىندا «ناتاحتاري» ەنەرگەتيكالىق سۋسىندارىندا ناتري بەنزواتىنىڭ كونتسەنتراتسياسى 1,1-1,2 ەسە جوعارى ەكەنى انىقتالدى.
ناتري بەنزواتى - بەنزوي قىشقىلىنىڭ ناتري تۇزى (تاعامدىق قوسپا ە-211).
E-211 كونسەرۆانتىنىڭ كونتسەنتراتسياسىنىڭ جوعارىلاۋى ءونىمنىڭ دامدىك قاسيەتتەرىنە اسەر ەتىپ قانا قويماي, ادام دەنساۋلىعىنا قاۋىپ توندىرەدى. ناتري بەنزواتى كەيبىر ادامداردا اللەرگيالىق رەاكتسيالاردى تۋدىرادى.
