شارۋا قوجالىعىنىڭ قىسقى مال ازىعىنا دايىنداپ قويعان 600 تونناداي ءشوبى وتقا وراندى. وقيعا ورنىنا باتىس قازاقستان وبلىستىق توتەنشە جاعدايلار دەپارتامەنتىنىڭ ءورت ءسوندىرۋ تەحنيكاسى مەن جەكە قۇرامىنان 4 ادام جەدەل جەتتى. سونىمەن قاتار ەرىكتى ءورت ءسوندىرۋشى قۇرىلىمداردان 10 ادام, 3 تراكتور جانە 1 سۋ قۇيعىش تەحنيكاسى دا ءتىلسىز جاۋمەن كۇرەسكە تارتىلدى. ءورتتىڭ سالدارىنان ءبىر-بىرىنەن 50-60 مەتر قاشىقتا ورنالاسقان 6 مايا جانىپ كەتتى. ەكى مايا توبەسى جابىق ورىنعا جينالعان ەكەن, اينالاسىنا مينەرالدى جولاق جۇرگىزىلگەن, بارىنشا قاۋىپسىزدىك شارالارى جاسالعان. الدىن الا بولجام بويىنشا, ءورت قاساقانا وت قويۋدان شىققان.
سوڭعى كۇندەرى باتىس قازاقستان وبلىسىندا كۇن رايى وتە ىستىق بولىپ تۇر. توتەنشەلىكتەر وبلىس تۇرعىندارىن ءورت قاۋىپسىزدىگى ەرەجەلەرىن قاتاڭ ساقتاۋعا شاقىرادى.
