مەموراندۋم ماقساتى - قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ باستاماسىمەن مەملەكەتتىك قىزمەتشىلەردى وقىتۋ جانە بىلىكتىلىگىن ارتتىرۋ باعىتىنداعى اكادەميانىڭ قىزمەتىنە مەديا الاڭدا اقپاراتتىق قولداۋ كورسەتۋ جانە مەملەكەتتىك قىزمەتشىلەرمەن باق-پەن جۇمىس سالاسىندا ترەنينگتەر, ماستەر-كلاستار وتكىزۋ.
مەموراندۋم اياسىندا تاراپتار اراسىندا مەديا سالاسىنداعى بىرلەسكەن جوبالاردى ىسكە اسىرۋ جانە قولداۋ ءبىلدىرۋ جۇمىستارى جۇزەگە اسىرىلادى.
«بۇگىنگى قول قويىلعان ىنتىماقتاستىق تۋرالى مەموراندۋم الداعى بىرلەسكەن ۇلكەن جۇمىستاردىڭ باسى بولىپ, ەكى تاراپ تا تاجىريبەلەرىمەن بولىسەدى دەپ ويلايمىن», دەدى دارحان قىدىرالى ءىس-شارا بارىسىندا.
اتالعان مەموراندۋمدى ىسكە اسىرۋ بويىنشا اكادەميا تاراپىنان حالىقارالىق قاتىناستار, ەكونوميكا جانە باسقا دا ماڭىزدى سالالار بويىنشا ساراپشىلار پۋلى جاساقتالىپ, ەلىمىزدىڭ باس باسلىمىمەن بىرلەسكەن مەديا جوبالار اشىلاتىن بولادى.
سونىمەن قاتار الدا كەلە جاتقان جاڭا وقۋ جىلىنان باستاپ دارحان قىدىرالى اكادەميا تىڭداۋشىلارىنا ءوزىنىڭ اۆتورلىق كۋرستارىن ۇسىنادى دەپ جوسپارلانىپ وتىر.
