ماڭعىستاۋدا جۇك پويىزى مەن جەڭىل اۆتوكولىك سوقتىعىستى

اقتاۋ. 30 ءساۋىر. ماڭعىستاۋ وبلىسىندا جۇك پويىزى مەن اۆتوكولىك تەمىر جولدىڭ ۇستىندە سوقتىسىعىس قالدى. بۇل تۋرالى وبلىستىق ىشكى ىستەر دەپارتامەنتى ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى. وقيعا كەشە تۇندە اقتاۋ قالاسىنان ونشاقتى شاقىرىم جەردە ورىن العان. «ۆاز-21099» اۆتوكولىگى 16 تىركەمەسى بار جۇك پويىزىمەن سوقتىعىسقان. ناتيجەسىندە اۆتوكولىكتىڭ 31 جاستاعى جۇرگىزۋشىسى وقيعا ورنىندا قايتىس بولدى. ال ونىمەن كولىكتە بىرگە بولعان جولاۋشى – 30 جاستاعى جىگىت وبلىستىق اۋرۋحاناعا جەتكىزىلدى. اقپارات كوزدەرى وپات بولعان جۇرگىزۋشى جىگىت وبلىستىق مامانداندىرىلعان كۇزەت قىزمەتى باسقارماسى قىزمەتكەرى ەكەنىن ايتادى. اعا سەرجانت شەنىندەگى پوليتسەي قىزىلوردا وڭىرىندە تۋعان, سوڭعى جىلدارى ماڭعىستاۋ وبلىسىنىڭ مۇنايلى اۋدانىندا تۇرعان. 2006 جىلدان بەرى قۇقىق قورعاۋ سالاسىندا قىزمەت ەتكەن. ونىڭ ارتىندا ءۇش ءسابيى قالىپ وتىر. قازىر ماڭعىستاۋ وبلىستىق ىشكى ىستەر دەپارتامەنتىنىڭ قىزمەتكەرلەرى جول-كولىك وقيعاسىنىڭ ورىن الۋ سەبەبى مەن كىنالىلەردى انىقتاۋ ءۇشىن تەرگەۋ امالدارىن جۇرگىزۋدە. سوت-مەديتسينالىق ساراپتاما  جاسالۋدا. گۇلايىم شىنتەمىرقىزى. دەرەككوز: egemen.kz. فوتو: lada.kz.