«مەكتەپتەردەگى ورىن تاپشىلىعىن ازايتۋ ءۇشىن بيىل جىل سوڭىنا دەيىن الاتاۋ اۋدانىندا 7 800 ورىندىق 5 جاڭا مەكتەپ سالىنادى. سونداي-اق ءبىز «سايالى-2» جانە «زەردەلى» شاعىن اۋداندارىندا ارقايسىسى 550 ورىندىق تاعى 2 مەكتەپتىڭ قۇرىلىسىن باستاۋدى جوسپارلاپ وتىرمىز. بۇگىن «سايالى-2» بويىنشا مەردىگەر ۇيىمدى انىقتاۋ ءۇشىن كونكۋرس جاريالاندى. قۇرىلىس جۇمىستارى قىركۇيەك ايىندا باستاپ, 2023 جىلدىڭ قاراشا ايىندا اياقتاۋ كوزدەلگەن», دەدى مەگاپوليس باسشىسى.
سونىمەن قاتار ول «زەردەلى» شاعىن اۋدانى بويىنشا جوبالاۋ-سمەتالىق قۇجاتتاما دايىندالىپ جاتقانىن اتاپ ءوتتى.
«جۇمىستاردى 2023 جىلدىڭ ناۋرىزىندا باستاپ, 2024 جىلدىڭ تامىز ايىندا اياقتايمىز. بيىل «سايالى» شاعىن اۋدانىندا 160 ورىندىق بالاباقشانىڭ قۇرىلىسى باستالدى. 2023 جىلدىڭ ناۋرىز ايىندا اياقتاۋ قاراستىرىلىپ وتىر. قازىرگى ۋاقىتتا «زەردەلى» شاعىن اۋدانىندا دەنە شىنىقتىرۋ-ساۋىقتىرۋ كەشەنى سالىنىپ جاتىر. 2023 جىلدىڭ ناۋرىز ايىندا اياقتاۋ جوسپاردا», دەدى ەربولات دوساەۆ.
بۇدان بولەك, اۋداندا كوپسالالى يننوۆاتسيالىق شىعارماشىلىق ورتالىق سالىنىپ جاتىر. وعان 5 مىڭنان استام بالا باراتىن بولادى. قۇرىلىسى 2023 جىلدىڭ II-ءشى توقسانىندا اياقتالادى.
«سونىمەن قاتار قاراسۋ تۇرعىندارىنىڭ تىلەكتەرىن ەسكەرە وتىرىپ, مەن مادەنيەت ءۇيىنىڭ عيماراتىن ساتىپ الۋ تۋرالى تاپسىرما بەردىم. قاجەتتى قارجى ءبولىندى, عيماراتتى ساتىپ الۋ جۇمىستارى ءجۇرىپ جاتىر. سوسىن دەمەۋشىلىك قاراجات ەسەبىنەن جوندەۋ جۇرگىزۋ قاجەت. جىلدىڭ سوڭىنا دەيىن كەمىندە 10 شىعارماشىلىق جانە ءبىلىم بەرۋ سەكتسياسىن اشامىز جانە كۇن سايىن 150-گە جۋىق ءبۇلدىرشىنىمىز وسى سەكتسيالارعا قاتىسا الادى», دەپ ءتۇسىندىردى اكىم.
