ۆەدومستۆونىڭ ءباسپاسوز قىزمەتى حابارلاعانداي, كوميسسيا جەكە تۇلعالارعا نەگىزسىز ارتىقشىلىقتار تۋدىراتىن جاعدايلاردى انىقتاۋ ماقساتىندا كەلەسى تالداۋ جۇمىستارىن جۇرگىزەدى:
- جوعارى مارجينالدى مەملەكەتتىك اكتيۆتەردى جەكەشەلەندىرۋ جانە ساتىپ الۋ.
- ەكونوميكانىڭ سەكتورلارىندا, ونىڭ ىشىندە ساتىپ الۋ سالاسىندا ۇستەمە كىرىستەردى گەنەراتسيالاۋعا مۇمكىندىك بەرەتىن باسەكەلەستىكتى جويۋ نەمەسە شەكتەۋ.
- جەر قويناۋىن پايدالانۋ, اۋىر ونەركاسىپ, قارجى سەكتورى, قۇرىلىس جانە ەكونوميكانىڭ باسقا دا سالالارىنداعى جەكەلەگەن كومپانيالاردىڭ مەملەكەت مۇددەلەرىنە زالال كەلتىرە وتىرىپ, جەڭىلدىكتى سالىق سالۋ, تاريفتىك ساياسات جانە وزگە دە ارتىقشىلىقتاردى ەنگىزۋ ارقىلى كىرىستىلىگىن ۇلعايتۋ.
بۇدان باسقا, كوميسسيا جۇمىسىنىڭ بارىسى تۋرالى حالىقتى جەدەل حاباردار ەتۋ ءۇشىن ارنايى ۆەب-سايت قۇرۋ تۋرالى شەشىم قابىلداندى.
«بۇل جۇمىسقا جۇرتشىلىقتى تارتۋ ءۇشىن سايتتا ارنايى ءبولىم قۇرۋ جوسپارلانۋدا, ول ارقىلى ءاربىر ادام كوميسسيا قىزمەتىنىڭ ماسەلەلەرى بويىنشا حابارلاما جىبەرە الادى», دەلىنگەن ۆەدومستۆو حابارلاماسىندا.
