شورت-ترەكتەن الەم كۋبوگىنىڭ شىمىلدىعى 2022 جىلدىڭ 28-30 قازان كۇندەرى كانادانىڭ مونرەال قالاسىندا تۇرىلەدى. ال ماۋسىمنىڭ سوڭعى جارىسى 2023 جىلدىڭ 10-12 اقپان كۇندەرىنە جوسپارلانعان. بۇل كەزەڭدى نيدەرلاندتىڭ دوردرەحت قالاسى قابىلدايدى. سونداي-اق الەم كۋبوگىنىڭ ەكىنشى جانە ءۇشىنشى كەزەڭدەرى 4-6 جانە 11-13 قاراشا كۇندەرى اقش-تىڭ سولت-لەيك-سيتي قالاسىندا, ءتورتىنشى جانە بەسىنشى كەزەڭدەرى الماتىدا وتەدى. قازاقستانداعى كەزەڭدەر 9-11 جانە 16-18 جەلتوقسان كۇندەرىنە جوسپارلانعان. ايتا كەتەيىك, شورت-ترەكتەن الەم كۋبوگىنىڭ كەزەڭدەرى قازاقستاندا وسىمەن ەكىنشى رەت ۇيىمداستىرىلماق. بۇعان دەيىن الماتى قالاسى 2018 جىلعى مۇز ۇستىندەگى دودانى وتكىزگەن ەدى.
الەم كۋبوگىنىڭ كەيىنگى كەزەڭدەرىن پولشانىڭ گدانسك جانە گەرمانيانىڭ درەزدەن قالالارى قابىلدايدى.
