«16 شىلدە كۇنى الماتى – مالە باعىتىنداعى KC585 رەيسىن ورىندايتىن Air Astana اۆياكومپانياسىنىڭ Airbus A321 ۇشاعى كەستە بويىنشا ساعات 01.47-دە ۇشىپ شىقتى. ۇشۋ بارىسىندا باقىلاۋ جانە قوزعالتقىش تەربەلىسى ينديكاتسياسىنىڭ داتچيگى ىستەن شىقتى. قاۋىپسىزدىك پروتسەدۋرالارىنا سايكەس, اقاۋدى جويۋ ءۇشىن ۇشىپ شىققان اۋەجايعا قايتا ورالۋ شەشىمى قابىلداندى. ساعات 03.30-دا اۋە كەمەسى الماتى اۋەجايىنا قوندى. قونۋ شتاتتىق رەجيمدە ءوتتى. قونعاننان كەيىن ەكى ساعاتتان سوڭ جولاۋشىلارعا تاماق پەن سۋسىن ۇسىنىلدى. ۇشاق بۇگىن ساعات 18.15-تە ۇشىپ شىعاتىنى جوسپارلانعان», دەلىنگەن اۆياكومپانيانىڭ Telegram-كانالىندا.
جولاۋشىلار وتەماقى ماسەلەسى بويىنشا اۆياكومپانياعا حابارلاسا الادى.
اۆياتاسىمالداۋشىنىڭ مالىمەتىنشە, وزگە قالالاردا تۇراتىن جولاۋشىلاردى الماتى قوناقۇيلەرىنە ورنالاستىرۋ مۇمكىن بولماعان. سەبەبى سول ۋاقىتتا سەرىكتەس-قوناقۇيلەردە بوس ورىن قالماعان. جولاۋشىلار شىعىن سوماسىن قايتارىپ الۋ ءۇشىن چەكتەردى كليەنتتەرمەن جۇمىس بولىمىنە جىبەرۋى قاجەت.
