ەر ادام «قىلمىسقا توسقاۋىل» جەدەل-الدىن الۋ ءىس-شاراسىن وتكىزۋ كەزىندە ۇستالدى.
«پوليتسيا «Lexus RX 350» ماركالى كولىكتى توقتاتتى. قۇجاتتاردى تەكسەرۋ بارىسىندا 28 جاستاعى جۇرگىزۋشى وسى جىلدىڭ ساۋىرىندە ماس كۇيدە رۋلگە وتىرعانى ءۇشىن كولىك باسقارۋ قۇقىعىنان ايىرىلعانى جانە جازاسىن 6 اي بويى قونىس-كولونياسىندا وتەگەنى انىقتالدى. كولىكتى ودان ارى ءتىنتۋ بارىسىندا «وسا» ماركالى تاپانشا تابىلدى. سوت-بالليستيكالىق ساراپتاما ناتيجەسىندە قارۋدىڭ اتۋعا جارامدى ەكەنى انىقتالدى», دەپ اتاپ ءوتتى دەپارتامەنتتەن.
ۆەدومستۆو مالىمەتىنشە, اتالعان فاكتى بويىنشا قر قىلمىستىق كودەكسىنىڭ 287-بابى 2-بولىگىمەن سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى قاماۋعا الىندى.
