«يمپورتتى الماستىرۋ ماسەلەسى كەشەندى تۇردە شەشىلەدى. جالپى 2022 جىلدىڭ سوڭىنا دەيىن اگروونەركاسىپتىك كەشەندى دامىتۋ بويىنشا 295 ملرد تەڭگەگە 237 ينۆەستيتسيالىق جوبانى ىسكە اسىرۋ جوسپارلانىپ وتىر, ونىڭ ىشىندە يمپورتتالاتىن پوزيتسيالاردىڭ 6 ءتۇرى بويىنشا 128,5 ملرد تەڭگەگە 81 جوبا ىسكە اسىرىلماق. بۇل ءۇشىن وسى جوبالارعا جەڭىلدەتىلگەن كرەديت بەرۋ, سۋبسيديالاۋ, جەر رەسۋرستارى مەن ينفراقۇرىلىمدى بەرۋ قامتاماسىز ەتىلەدى», دەدى ول ۇكىمەت ۇيىندە وتكەن وتىرىستا.
ونىڭ ايتۋىنشا, ەلدى قانتپەن قامتاماسىز ەتۋ ماقساتىندا جاڭا سۋارمالى جەرلەردى ۇلعايتۋ, سۋ ۇنەمدەيتىن تەحنولوگيالاردى ەنگىزۋ, تۇقىم شارۋاشىلىعىن دامىتۋ, سونداي-اق قانت قىزىلشاسىن وڭدەيتىن قولدا بار قۋاتتاردى تەحنيكالىق جانە تەحنولوگيالىق قايتا جاراقتاندىرۋ سياقتى ءىس-شارالاردىڭ ورىندالۋىن كوزدەيتىن كانت سالاسىن دامىتۋ جونىندەگى كەشەندى جوسپار ازىرلەنەدى.
«اق قانت يمپورتىنىڭ جانە قۇراق قانت شيكىزاتىنىڭ وڭدەۋ كولەمى ۇلعايتىلادى. مەملەكەت باسشىسىنىڭ تاپسىرماسىمەن ىشكى نارىقتاعى باعالاردى تۇراقتاندىرۋ ماقساتىندا ساۋدا جانە ينتەگراتسيا مينيسترلىگىمەن بىرلەسىپ, «اينالىم سحەماسى» شەڭبەرىندە, ونىڭ ىشىندە فورۆاردتىق كەلىسىمشارتتار تەتىگىن دامىتۋ جونىندەگى جۇمىستى جانداندىرۋ جولىمەن اۋىل شارۋاشىلىعى تاۋارىن وندىرۋشىلەردى قارجىلاندىرۋدىڭ باسىمدىعى ماسەلەسى پىسىقتالادى», دەدى ەربول قاراشوكەەۆ.
ەسكە سالا كەتسەك, كەشە ۇكىمەتتىڭ كەڭەيتىلگەن وتىرىسىندا پرەزيدەنت قانت تاپشىلىعىن رەتتەي الماعان ساۋدا جانە ينتەگراتسيا ءمينيسترى باقىت سۇلتانوۆ پەن اۋىل شارۋاشىلىعى ءمينيسترى ەربول قاراشوكەەۆكە سوگىس جاريالاعان ەدى.
