«مەملەكەت باسشىسى اتاپ وتكەندەي, بۇگىنگى تاڭدا انا مەن بالا ماسەلەلەرى بويىنشا جەدەل شەشىم قابىلداۋدى قاجەت ەتەتىن ماسەلەلەر بار. وسىعان وراي, جۇكتى ايەلدەر مەن بالالارعا كەشەندى, جوعارى مامانداندىرىلعان مەديتسينالىق كومەك كورسەتۋ ءۇشىن ءبىز نۇر-سۇلتان, قوستاناي, جەزقازعان, اتىراۋ, ورال, شىمكەنت قالالارىندا, تۇركىستان وبلىسىنىڭ سارىاعاش قالاسىندا جانە ورداباسى اۋدانىندا 8 زاماناۋي پەريناتالدىق ورتالىق سالۋدى كوزدەپ وتىرمىز», دەدى مينيستر.
سونداي-اق ول ۇكىمەتتىڭ كەڭەيتىلگەن وتىرىسىندا پرەزيدەنت قاسىم-جومارت توقاەۆتىڭ مەديتسينالىق ساقتاندىرۋ جۇيەسىنە ايتقان سىنىنان قانداي قورىتىندى شىعارعاندارىن ايتتى.
«مەديتسينالىق ساقتاندىرۋ جۇيەسىن جەتىلدىرۋ ءۇشىن ءبىز قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار جونىندەگى اگەنتتىگىمەن بىرلەسىپ, مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋ ناتيجەلەرىنە تالداۋ جۇرگىزەمىز جانە ونى ىسكە اسىرۋدىڭ تيىمدىلىگىن ارتتىرۋ جونىندە ۇسىنىستار ەنگىزەمىز», دەدى اجار عينيات.
