«مەملەكەت باسشىسىنىڭ تاپسىرماسىمەن جەر قويناۋىن پايدالانۋعا ارنالعان جاقسارتىلعان مودەلدىك كەلىسىمشارتتار توپتاماسى ازىرلەندى. زاڭناماعا ءتيىستى تۇزەتۋلەر جىل سوڭىنا دەيىن قابىلدانادى. بۇل شارالار جيىنتىق گاز قورى شامامەن 93,6 ملرد تەكشە مەتر بولاتىن كەنىشتى وندىرىسكە دايىنداپ, 2030 جىلعا قاراي جىلىنا 6,7 ملرد تەكشە مەتر قوسىمشا تاۋارلىق گاز وندىرۋگە مۇمكىندىك بەرەدى», دەدى بولات اقشولاقوۆ.
مينيستر سۇيىتىلعان گازدىڭ بيرجاسىنا كوشۋ 2023 جىلدىڭ 1 قاڭتارىنا اۋىستىرىلعانىن ەسكە سالدى.
«بيرجالاردا ساۋدا-ساتتىقتىڭ كۇرت وسۋىنە جول بەرمەۋ ءۇشىن ساۋدا-ساتتىق بەلگىلەنگەن شەكتى بولشەك باعا شەگىندە جۇرگىزىلەدى. سۇيىتىلعان مۇناي گازدىڭ كولىككە ىلەسپە جۇكقۇجاتىنا جانە ساتۋ كەزىندە فيسكالدىق چەكتەردى جازۋعا قويىلاتىن تالاپتاردى زاڭنامالىق نورمالار ارقىلى قاتاڭداتۋ ۇسىنىلادى. سونىمەن قاتار, سالالىق مەملەكەتتىك ورگان باقىلايتىن تاپشى تاۋارلار ءۇشىن بىرىڭعاي تاۋار بيرجاسىن بەلگىلەۋدى ۇسىنامىز», دەپ قوستى ۆەدومستۆو باسشىسى.
ايتا كەتسەك, كەشە ۇكىمەتتىڭ كەڭەيتىلگەن وتىرىسىندا قر پرەزيدەنتى قاسىم-جومارت توقاەۆ گاز باعاسىن جاساندى جولمەن ۇستاپ تۇرۋ گاز تاپشىلىعىن تۋىنداتۋى مۇمكىن ەكەنىن ايتقان ەدى.
