«پرەزيدەنتتىڭ تاپسىرمالارىن جەدەل ءارى ناتيجەلى ورىنداۋ قاجەت. كەشە مەملەكەت باسشىسى ءبىزدىڭ جۇمىسىمىزعا قاتىستى وتە ماڭىزدى سىن ايتتى. بارلىق مەملەكەتتىك ورگاندار, اكىمدىكتەر مەن كۆازيمەملەكەتتىك سەكتوردى جانداندىرۋ قاجەت», دەدى اليحان سمايىلوۆ.
ۇكىمەت باسشىسى بارلىق ءبىرىنشى باسشىلارعا پرەزيدەنت تاپسىرمالارىنىڭ ءاربىر تارماعىن جەكە باقىلاۋعا الۋدى تاپسىردى.
ونىڭ ايتۋىنشا, جەرگىلىكتى جەرلەردە ازاماتتاردىڭ ءال-اۋقاتىنا تىكەلەي اسەر ەتەتىن بارلىق جوبالار مەن باعدارلامالار جۇزەگە اسىرىلۋدا. سوندىقتان مينيسترلەر مەن اكىمدەر ناقتى ءوزارا ءىس-قيمىلدى جولعا قويىپ, ءاربىر ماسەلەنى بىرگە پىسىقتاۋى قاجەت.
