ونىڭ ىشىندە 329 مىڭ – QazVac, 1,2 ملن – Sinopharm, 106,5 مىڭ - Pfizer.
دەنساۋلىق ساقتاۋ ءمينيسترى اجار عينياتتىڭ مالىمەتىنشە, قازاقستان كۇزگى ەپيدەميولوگيالىق كەزەڭگە بالالار مەن جۇكتى ايەلدەرگە Pfizer ۆاكتسيناسىنىڭ شامامەن 300 مىڭ دوزاسىنا تاپسىرىس بەرۋدى جوسپارلاپ وتىر.
«بۇگىنگى تاڭدا ءبىز Pfizer-ءدىڭ قالعان 106,5 مىڭ دوزاسىن ەگىپ جاتىرمىز. ياعني بۇل ۆاكتسينا جۇكتى ايەلدەر مەن بالالارعا جانە Pfizer-ءدىڭ ءبىرىنشى كومپونەنتىن العان ازاماتتارعا سالىنادى. بالالار مەن جۇكتى ايەلدەر ءۇشىن كۇزگى كەزەڭگە قوسىمشا 300 مىڭعا جۋىق دوزاعا تاپسىرىس بەرىلەدى», دەدى مينيستر.
سونداي-اق اجار عينيات الماتى قالاسىندا قالعان ۆاكتسينا قورىنا توقتالدى. ايتۋىنشا, مەگاپوليستە 37 مىڭ دوزا QazVac, 180 مىڭ دوزا Sinopharm جانە 8600 دوزا Pfizer بار.
«اي سايىن 500 مىڭ دوزا ءوز ۆاكتسينامىز – QazVac وندىرىلەدى. بۇگىنگى تاڭدا 2 ميلليونعا جۋىق دوزا بار جانە قاجەت بولعان جاعدايدا تاعى الىنادى. ەلدە ۆاكتسينا جەتكىلىكتى», دەدى مينيستر.
