البەرۆيل مەن كول-ديۋ-گرانون ارالىعىن جالعاستىرىپ جاتقان 151,7 شاقىرىمدىق تاۋلى ايماقتى ول 4 ساعات 18 مينۋت 02 سەكۋندتا ءجۇرىپ ءوتتى. كولۋمبيالىق نايرو كينتانا («Arkea-Samsic») ەكىنشى ورىن السا, فرانتسيالىق رومەن باردە («DSM») ءۇشىنشى ساتىعا جايعاستى. «استانانىڭ» سەركەسى الەكسەي لۋتسەنكو مارە سىزىعىن سەگىزىنشى بولىپ قيىپ ءوتتى. جوعارىداعى جەڭىسىنىڭ ارقاسىندا يوناس ۆينگەگور بەس كەزەڭ بويى ەشكىمگە بەت قاراتپاي كەلگەن تادەي پوگاچاردى تۇعىردان تايدىرىپ, جالپى ەسەپتە كوش باستادى. ءباا-ءنىڭ UAE Team Emirates كلۋبى ساپىندا ونەر كورسەتىپ جۇرگەن سلوۆەنيانىڭ ساڭلاعى ءۇشىنشى ساتىعا سىرعىپ تۇسسە, ەكىنشى ورىنعا رومەن باردە كوتەرىلدى. ءبىز ءۇشىن قۋانىشتى جاعداي, لۋتسەنكو توعىزىنشى ساتىعا تۇراقتادى. ول كوش باسىنداعى ۆەلوشاباندوزدان 8 مينۋت 07 سەكۋند قالىپ كەلەدى.
«تۋر دە فرانستىڭ» اياقتالۋىنا ءالى 10 كەزەڭ بار.
