«دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا كوروناۆيرۋس جۇقتىرعاندار كوبەيىپ كەلەدى. سوڭعى ەكى اپتادا ناۋقاستاردىڭ سانى 30 پايىزعا ارتقان. ءبىزدىڭ ەلدە دە احۋال كۇردەلەنە ءتۇستى. الماتى «قىزىل» ايماققا قايتا كىرۋى مۇمكىن. نەگىزگى سەبەپ – تۇرعىندار مەن دارىگەرلەردىڭ قاۋىپسىزدىك شارالارىن ساقتاماۋى», دەدى پرەزيدەنت.
وسى ورايدا مەملەكەت باسشىسى مەكەمەارالىق كوميسسيانىڭ جۇمىسىن كۇشەيتۋ كەرەكتىگىن ايتتى.
«رەۆاكتسيناتسيا ناۋقانىن جانداندىرعان ءجون. بۇل جۇمىستا ەشقانداي اسىرا سىلتەۋ بولماۋى كەرەك. شاعىن جانە ورتا بيزنەستىڭ مۇددەسىن ەسكەرگەن ابزال», دەدى ق.توقاەۆ.
