سپورت • 14 شىلدە، 2022

«اقتوبە» العا شىقتى

25 رەت كورسەتىلدى

سەيسەنبى كۇنى فۋتبولدان قازاقستان پرەمەر-ليگاسىنىڭ كەيىنگە شەگەرىل­گەن ەكى كەزدەسۋى ءوتتى. كوپشىلىك تۇركىس­تانداعى «تۇران» مەن «اقتوبە» ارا­سىن­داعى ويىنعا باسا نازار اۋداردى.

بۇل ويىندا قوناقتاردىڭ مەرەيى ۇستەم بولدى. 34 مينۋتتا فرانتسيالىق لەگيونەر ۋگو ۆيدەمون ەسەپ اشسا، 78 مينۋتتا سەردەر سەردەروۆ ەكىنشى گولدى سوقتى. ەسەپ – 2:0. قاراعان­دىدا «شاحتەر» «اقسۋدى» قابىلدادى. 9 مينۋتتا توقتار جاڭعىلىشباي مەرگەندىك تانىتسا، 23 مينۋتتا ەدين رۋستەموۆيچ «قىزىل قاعاز» الدى. سوعان قاراماستان ۇزىلىسكە دەيىن قاراعاندىلىقتار تاعى ەكى رەت دوپتى توردا تۋلاتتى. ونىڭ اۆتورلارى – رومان مۇرتازاەۆ پەن يۆان گراف. ەكىنشى كەزەڭدە «اقسۋدىڭ» ويىن­شىلارى اسلانبەك كاكىموۆ پەن ەركەبۇلان تۇڭعىشباەۆ ەسەپ ايىرماشىلىعىن قىسقارتتى. دەسەك تە 90 مينۋتتا روحەر كانياس 11 مەترلىك نۇكتەدەن قاقپانى ءدال كوزدەپ، كەزدەسۋدىڭ سوڭعى نۇكتەسىن قويدى. ەسەپ – 4:2.

تۇركىستانداعى جەڭىسىنەن كەيىن «اقتوبە» جارىس كەستەسىندە جەكە-دارا كوش باستادى. ولاردىڭ قورجىنىندا 29 ۇپاي بار. ەكىنشى ورىنعا سىرعىپ تۇسكەن «استانانىڭ» باستى قارسىلاسىنان ەكى ۇپايى كەم. ءۇشىنشى ورىندا – «ورداباسى». شىمكەنتتىڭ كومانداسى 26 ۇپايدى ەنشىلەۋدە.

سوڭعى جاڭالىقتار

مۇحتار مەن قايىم

قازاقستان • كەشە

ەلدە قىلمىس ازايعان

قوعام • كەشە

اقاڭ جانە قازاق راديوcى

احمەت بايتۇرسىن ۇلى • كەشە

رۋحتى جىردىڭ يەسى

ادەبيەت • كەشە

ۇقساس جاڭالىقتار