قازىرگى كەزدە الەمدىك رەيتينگتە 43-ورىندا تۇرعان قازاقستاننىڭ ەكىنشى راكەتكاسى يۋليا پۋتينتسەۆا تۇساۋكەسەر كەزدەسۋىن اننا شميدلوۆاعا قارسى وتكىزدى. ۇزدىكتەر تىزىمىندە 76 ساتىعا جايعاسقان 27 جاستاعى سلوۆاكيالىق جەرلەسىمىزگە لايىقتى قارسىلىق كورسەتە المادى. ەسەپ – 6:4, 6:1. بۇگىن يۋليا جۇپتىق سايىستاعى توكيو وليمپياداسىنىڭ قولا جۇلدەگەرى برازيليالىق لاۋرا پيگوسسيمەن شەبەرلىك بايقاسادى. ول دا 27 جاستا. وڭتۇستىك امەريكادان كەلگەن سپورتشى العاشقى اينالىمدا شۆەتسيالىق رەبەككا پەتەرسوننان ايلاسىن اسىردى. بۇل كۇندەرى پيگوسسي WTA رەيتينگىندە 125-ورىندى ەنشىلەۋدە.
