جاز باستالعالى تجد ماماندارى سۋ ايدىندارىندا 2667 رەيد جانە پاترۋلدەۋ جۇرگىزدى. قاۋىپسىزدىك تۋرالى نۇسقاما ۇيىمداستىرىپ, دەمالۋشىلارعا جادىنامالار تاراتتى. جەرگىلىكتى اتقارۋشى ورگاندارمەن بىرگە قاۋىپتى ۋچاسكەلەردى كورسەتە وتىرىپ, 314 تىيىم سالۋ بەلگىلەرىن ورناتتى. بىراق ازاماتتاردىڭ سۋعا باتىپ كەتۋ جاعدايى جيىلەپ بارادى. ەسكەرتۋدى ەلەمەيدى, نەمقۇرايدى قارايدى. ماۋسىم باستالعالى 15 ادام باتىپ كەتسە, قۇتقارۋشىلار, پوليتسەيلەر, دەمالۋشىلار 11 ازاماتقا دەر كەزىندە كومەك كورسەتكەن.
– ۇسىنىستارىمىز بەن تىيىم سالۋ بەلگىلەرىنە قاراماستان, ازاماتتار ءجۇز پايىز قاۋىپ بار جەردە جۇزگىلەرى كەلەدى. ياعني, اعىنى قاتتى جەرلەر مەن سۋ ءتۇبى تەكسەرىلمەگەن اۋماقتارعا قۇمار. سونىمەن قاتار ول ماڭدا قۇتقارۋشىلار دا جوق. دۇرىسى, ارنايى جاساقتالعان ورىنداردا سۋعا تۇسسە ەكەن, – دەيدى شقو تجد باستىعىنىڭ ورىنباسارى ارمان توقانوۆ.
سونداي-اق پوليتسيانىڭ قاتىسۋىمەن جىل باسىنان بەرى 440-باپ, ياعني «الكوگولدىك ىشىمدىكتەر ءىشۋ نەمەسە قوعامدىق ورىندارعا ماساڭ كۇيدە كەلۋ» بويىنشا 479 ازامات اكىمشىلىك جاۋاپكەرشىلىككە تارتىلدى. 364-باپ «قوعامدىق سۋدى پايدالانۋ ەرەجەلەرىن بۇزۋ» بويىنشا 205 دەمالۋشى ايىپپۇل ارقالاعان.
تجد قۇتقارۋشىلارى ازاماتتاردى قىراعىلىق تانىتۋعا جانە دەمالۋ ءۇشىن تەك شومىلۋعا رۇقسات ەتىلگەن ورىندى تاڭداۋعا شاقىرادى. ال سۋ كولىكتەرىن باسقارۋ كەزىندە كەمە يەلەرىنە مىندەتتى تۇردە قۇتقارۋ كەۋدەشەلەرىن كيۋدى, جىلدامدىق رەجىمىن, مانەۆر جاساۋ ەرەجەلەرىن ۇستانۋدى جانە ماس كۇيىندە كەمەنى باسقارۋعا قاتاڭ تىيىم سالىنعانىن ەستە ساقتاۋ قاجەت.
شىعىس قازاقستان وبلىسى
