ءتۋرنيردىڭ شىمىلدىعى نيجنەكامسكىنىڭ «نەفتەحيميگى» مەن ماگنيتوگورسكىنىڭ «مەتاللۋرگى» اراسىنداعى كەزدەسۋمەن اشىلادى. وسى باسەكە اياقتالعان بەتتە «بارىس» ەكاتەرينبۋرگتىڭ «اۆتوموبيليسىمەن» كۇش سىناسادى. كەلەسى كۇنى «اۆتوموبيليست» قىتايدىڭ «كۋنلۋن رەد ستارىمەن», ال ەلوردالىق حوككەيشىلەر «نەفتەحيميكپەن» شەبەرلىك بايقاسادى. 18 تامىزدا «اۆتوموبيليست» پەن «نەفتەحيميك» جانە «كۋنلۋن رەد ستار» مەن «مەتاللۋرگ» اراسىنداعى ماتچتاردى تاماشالايمىز. 19 تامىزدا نيجنەكامسك پەن بەيجىڭ جانە ماگنيتوگورسك پەن نۇر-سۇلتاننىڭ كوماندالارى ءوزارا سايىسقا تۇسەدى. جارىستىڭ سوڭعى كۇنى «مەتاللۋرگ» پەن «اۆتوموبيليست» جانە «بارىس» پەن «كۋنلۋن رەد ستار» كەزدەسەدى.
ەستەرىڭىزگە سالا كەتەيىك, پرەزيدەنت كۋبوگىنىڭ جالاۋى وسىمەن 12-مارتە جەلبىرەگەلى وتىر. بىلتىر وتكەن باسەكەدە «بارىستىڭ» باعى جانسا, ەكىنشى جانە ءۇشىنشى ورىنداردى قاراعاندىنىڭ «سارىارقاسى» مەن بەيجىڭنىڭ «كۋنلۋن رەد ستار» كلۋبتارى يەلەندى.
