كاسپي جاعالاۋىنداعى جارىستىڭ باستى باسەكەلەرىنىڭ بىرىندە تانىمال قازاقستاندىق سپورتشى يگور سۆيريد تە ونەر كورسەتەدى. 35 جاستاعى الماتىنىڭ تۋماسى 2021 جىلدان بەرى سپورتتىڭ وسى تۇرىمەن شۇعىلدانۋدا. سول ارالىقتا 28 كەزدەسۋ وتكىزىپ, 18 رەت جەڭىسكە جەتتى. 14 باسەكەدە ايقىن باسىمدىق تانىتتى. كەزىندە ول ورتا سالماقتا سينگاپۋردىڭ ONE Championship پەن اسا ۇيىمدارىنىڭ چەمپيوندىق بەلبەۋىن يەلەندى. اقتاۋدا سۆيريد رەسەيلىك ارتۋر گۋسەينوۆپەن كۇش سىناسۋعا ءتيىس ەدى. الايدا جاراقاتىنا بايلانىستى ول وكتاگونعا شىعۋدان باس تارتتى. ەندى يگور ءالى جەڭىلىستىڭ كەرمەك ءدامىن تاتىپ كورمەگەن 32 جاستاعى داعىستاننىڭ وكىلى شاميل ماگومەدوۆپەن ايقاسادى.
ال لاس-ۆەگاستا وتكەن UFC تۋرنيرىندە قازاقستاندا تۋىپ-وسكەن ازەربايجاندىق رافاەل فيزيەۆ برازيليانىڭ بەتكەۇستارى رافاەل دوس انوستى بەسىنشى راۋندتىڭ باسىندا ايقىن جەڭدى.
