جاس تەننيسشىلەر ەۋروپادا ۇزدىك شىقتى

ماسەلەن, فرانتسيانىڭ استاناسى – پاريج قالاسىندا ۇيىم­داستىرىلعان 14 جاسقا دەيىنگىلەر اراسىندا Tennis Europe سەرياسى بويىنشا ءبىرىنشى ساناتتاعى تۋرنيردە قازاقستاندىق زاڭعار نۇرلان ۇلى فينالدا ونەر كورسەتتى. قازاقستان تەننيس فەدە­راتسياسىنىڭ مالىمەتى بويىن­شا, ايتۋلى دوداعا الەمنىڭ 30 ەلىنەن 160-تان استام جاس ويىنشىسى قاتىسقان. ولاردىڭ اراسىندا قازاقستاندىقتاردان جارىستىڭ ءبىرىنشى راكەتكاسى زاڭعار نۇرلان ۇلىنان بولەك, دانيەل تازابەكوۆ, دامير جال­عاسباي, ءساتيما تورەگەن جانە اريانا گوگۋلينا بار. زاڭ­عار نۇرلان ۇلى فينالداعى تارتى­س­تى ماتچتا گەرمانيالىق نيلس ماكدونالدپەن شەبەرلىك باي­قاسىپ, ەكى سەتتە – 6:7 (4:7), 4:6 ەسە­بىمەن قارسىلاسىنا جول بەردى.

زاڭعار فينالعا بارار جولدا الدىمەن فرانتسيالىق اريان كاليتەرا مەن كيپرەن ءشيۆاليردى تىزە بۇكتىردى. سوسىن يتاليالىق رافاەل چيۋەرنەلليدى جولدان تايدىردى. شيرەك فينالدا مىسىرلىق ەياد موحاممەد شەريفتان ايلاسىن اسىردى – 7:6 (7:3), 6:2. جارتىلاي فينالدا جارىستىڭ 4-راكەتكاسى فرانتسيالىق تيمەو ترۋفەلليدى ويسىراتا جەڭدى – 6:1, 6:2. بۇل ءتۋرنيردىڭ ەرەكشەلىگى, مۇنداعى باسەكەلەر اتاقتى Roland Garros كورتتارىندا وتەدى. كەزىندە مۇندا ءار جىلدارى ءجاسوسپىرىم شاعىندا رافاەل نادال, گاەل مونفيس, ستەفانوس تسيتسيپاس, كارلوس الكاراس جانە باسقالار جەڭىمپاز اتانعان بولاتىن.

سونىمەن قاتار قىرعىز­ستاننىڭ چولپون-اتا قالاسىندا ITF Juniors سەرياسى بويىنشا وتكەن بەسىنشى ساناتتاعى تۋرنيردە قاراعاندىلىق ۆيتالي زاتسەپين تاماشا ونەر كورسەتتى. ول فينالدا كورت يەسى يلگيز كامچيبەكوۆتى ۇتتى – 6:3, 6:1. جۇپتىق سىندا ۆ.زاتسەپين جاكاس كوزباكپەن بىرگە قازاق­ستان­دىقتار ولەگ گۋساكوۆ – دارحان جاقانگەرگە جول بەردى – 7:6 (7:1), 1:6, 4:6. وسىندا جۇپتىق سىندا اناستاسيا كرىمكوۆا چەمپيون اتاندى. ول قىرعىزستاندىق ۆلاديسلاۆا اندرەەۆسكايامەن بىرگە قاراقات قويلىباەۆا – داريا شۋبينانى باس جۇلدەسىز قالدىردى – 6:1, 6:2.

گرۋزيادا 18 جاسقا دەيىنگى­لەر اراسىندا ءتورتىنشى سانات­تاعى ITF جارىسىندا الماتى­لىق ىڭكار دۇيسەباي فينالعا دەيىن جەتتى. سوڭعى باسەكەدە ىڭكار ۇلى­بري­تا­نيا­لىق گابي پاس­كاۋسكاسپەن بىرگە تۇر­كيا­لىقتار يرەم كيۋرت – دۋرۋ سوكەگە ەسە جىبەردى – 6:1, 5:7, 11:13. جە­كەلەي سىندا ىڭكار دۇيسە­باي جارتىلاي فينالدا ناتالي دجانيدەن ۇتىلدى – 3:6, 6:2, 5:7.

تاعى ءبىر الماتىلىق روبەرت كامينسكي گەرمانيادا 12 جاس­قا دەيىنگىلەر اراسىندا ءبىرىنشى سانات­تاعى Tennis Europe دوداسىن­دا جۇپتىق سىندا وزىق شىق­تى. جەكەلەي سىندا ول جار­تى­لاي فينالدا رەسەيلىك الەك­ساندر كۋنيتسىننان جەڭىلدى – 3:6, 3:6.