بيىلعى بالالار جىلى جانە «تۋعان ەلگە تاعزىم» جوباسى اياسىندا جاسالعان وتا شەبەرلىك ساعاتى ەسەبىندە ءوتتى. سەبەبى جۇمىس بارىسى تىكەلەي باقىلاۋعا الىنىپ, بالالار اۋرۋحاناسىنىڭ جاس حيرۋرگتەرى قاتىستى. بۇل نۇرلان مۇحتار ۇلىنىڭ العاشقى قايىرىمدىلىق وتاسى ەمەس. مەديتسينا سالاسىندا 40 جىلعا جۋىق قىزمەت ەتىپ كەلە جاتقان بىلىكتى مامان وسى ۋاقىتقا دەيىن 25 مىڭنان استام وپەراتسيا جاساعان ەكەن. ونىڭ ىشىندە 1,5 مىڭنان استامى – قايىرىمدىلىق ءىس-شاراسى.
ء«ار ازامات حالىقتىڭ ريزاشىلىعىن العىسى كەلەدى. مەنىڭ دە ماقساتىم – بالالارعا قولىمنان كەلگەنشە كومەكتەسىپ, ەل العىسىن الۋ. وسىعان وراي ءجيى قايىرىمدىلىق وتاسىن جاسايمىن», دەدى ن.ارىن.
وپەراتسيا ءساتتى ءوتتى. بىلگىر دارىگەر وپەراتسيانى ءوزى ويلاپ تاپقان جاڭا ادىسپەن جاسادى. ماماندار ناۋقاستار ءبىر تاۋلىك ىشىندە اياققا تۇرىپ, ءبىر اپتادا ۇيىنە شىعارىلاتىنىن ايتادى. اتا-انالار اۋىر حالدە جاتقان بالالارىنا كومەكتەسكەن اق حالاتتى ابزال جاندارعا العىسىن جاۋدىرىپ, ىزگى تىلەكتەرىن جەتكىزدى. كوپسالالى بالالار اۋرۋحاناسىنىڭ باس دارىگەرى ارمان تويبەكوۆ قايىرىمدىلىق ءىس-شاراسىنىڭ قوعامعا بەرەر كومەگى زور ەكەنىن تىلگە تيەك ەتتى. ماماندار مۇنداي يگىلىكتى ءىس-شارالار جەرگىلىكتى دارىگەرلەردىڭ كاسىبيلىگىن ارتاتىنا سەنىمدى.
«بالا – ۇلتتىڭ بولاشاعى. وسى ناقىلدى قاپەرىنە العان دارىگەرلەر قولدان كەلگەنشە كومەك كورسەتىپ جاتىر. نۇرلان كەلگەن سايىن جاس ارىپتەستەرىنە شەبەرلىك ساباعىن وتكىزىپ, جاڭا ادىستەر ۇيرەتەدى», دەدى ا.تويبەكوۆ.
تالدىقورعان
