قر سىرتقى ىستەر مينيسترلىگى ءباسپاسوز قىزمەتىنىڭ حابارلاۋىنشا, اتالعان جوبا رەسەيدە تۇرىپ جاتقان قازاقستان ازاماتتارىنا قازان, ومبى, سانكت-پەتەربۋرگ جانە استراحان قالالارىنداعى قر كونسۋلدىق مەكەمەلەرى ارقىلى پاسپورتتى 80 كۇننىڭ ورنىنا 30 كۇن ىشىندە رەسىمدەۋگە مۇمكىندىك بەرەدى.
«بۇگىنگى تاڭدا ەلەكتروندىق قۇجاتتاندىرۋ جۇيەسى قازاقستاننىڭ ءباا ء(ابۋ-دابي, دۋباي قالالارى), گەرمانيا (بەرلين, ماينداعى فرانكفۋرت, ميۋنحەن, گاننوۆەر قالالارى), كورەيا رەسپۋبليكاسى (سەۋل), رەسەي (ماسكەۋ), اقش (ۆاشينگتون, نيۋ-يورك, سان-فرانتسيسكو قالالارى), وزبەكستان (تاشكەنت), جاپونيا (توكيو) مەن تۇركياداعى (انكارا, ىستانبۇل, انتاليا قالالارى) شەتەلدىك مەكەمەلەرىندە ءساتتى جۇمىس ىستەيدى», دەلىنگەن حابارلامادا.
