وبلىستىق تج دەپارتامەنتىنىڭ كەزەكشى-ديسپەتچەرلىك قىزمەتىنە العا اۋدانى ەسەت باتىر اۋىلىنداعى قايعىلى جاعداي تۋرالى 10 شىلدە كۇنى ساعات 16:15-تە حابارلاعان.
«2016 جىلى تۋعان بالانىڭ سۋعا باتىپ كەتكەنى جونىندە حابارلاما كەلىپ ءتۇستى. شاقىرتۋ ورنىنا قۇتقارۋشىلار دەرەۋ جەتكەن كەزدە ەسەت باتىر اۋىلىنان 2 شاقىرىم جەردەگى تامدى وزەنىنىڭ بويىندا بالانىڭ سۋعا تۇسكەنى بەلگىلى بولدى. ول اتا-اناسىنىڭ قاراۋىنسىز تىيىم سالىنعان جەرگە شومىلعان. قۇتقارۋشىلار بالانىڭ دەنەسىن 2,5 مەتر تەرەڭدىكتەن الىپ شىقتى», دەپ حابارلادى وبلىستىق تجد ءباسپاسوز قىزمەتى.
