ۆەدومستۆو مالىمەتىنە سايكەس, 102 جەدەل ارناسىنا 39 جاستاعى قالا تۇرعىنى حابارلاسقان. ونىڭ ايتۋىنشا, ءوزىن اڭگىمەگە تارتقان تانىمايتىن ەر ادامنىڭ «ۆاز» كولىگىن ساتىپ الاتىندىعىن ايتىپ سەندىرگەن. الايدا الاياق اۆتوكولىكتى العاننان كەيىن اقشا تولەمەي, حابار-وشارسىز كەتكەن.
«جەدەل-ىزدەستىرۋ شارالارىن جۇرگىزگەن پوليتسيا قىزمەتكەرلەرى كۇدىكتىنى ۇستادى. جارما اۋدانىنىڭ 27 جاستاعى تۇرعىنى جاۋاپ الۋ كەزىندە ءوز كىناسىن مويىندادى. سونداي-اق ەر ادامنىڭ تاعى ءبىر جابىرلەنۋشىنى الداعانى بەلگىلى بولدى», دەلىنگەن حابارلامادا.
27 جاستاعى سەمەيلىك ايەل ماۋسىم ايىنىڭ سوڭىندا پوليتسياعا جۇگىنگەن. جابىرلەنۋشىنىڭ ايتۋىنشا, جالعان ساتىپ الۋشى ءدال وسىنداي جولمەن ونىڭ «ۆاز» كولىگىن الداپ الدى. زارداپ شەگۋشىگە كەلتىرىلگەن ماتەريالدىق زالالدىڭ جالپى سوماسى 1 500 000 تەڭگەدەن استى. ۇستالعان ادام قولحاتپەن بوساتىلدى. اتالعان فاكتى بويىنشا قك-ءتىڭ 190-بابىنا (الاياقتىق) سايكەس سوتقا دەيىنگى تەرگەۋ امالدارى جۇرگىزىلۋدە.
