ءبىرىنشى بولىپ ءسوز العان دەپۋتات يرينا ۋنجاكوۆانىڭ ايتقانداي, پاندەميا مەن قاڭتار قاسىرەتى قازاقستانعا كوپ وزگەرىس اكەلدى. بۇرىن-سوڭدى بايقالماعان پروبلەمالار اشىلىپ قالىپ جاتتى. ماسەلەن, پاندەميادان كەيىن بيولوگيالىق قاۋىپسىزدىك تۋرالى زاڭعا وزگەرىستەر ەنگىزىلدى.
– قاڭتار قاسىرەتى قوعام قاۋىپسىزدىگىن دە قايتا قاراۋعا مىندەتتەپ وتىر. ءتارتىپ ساقشىلارىنىڭ ب ۇلىكتى ۇيىمداستىرۋشىلار رەتىندە تانىلۋى, ەل تىنىشتىعىن كۇزەتۋگە ارنالعان قارۋ-جاراقتىڭ مەملەكەتتىك توڭكەرىس جاساۋ ءۇشىن قولدانىلۋى قاۋىپسىزدىك سالاسىندا ۇلكەن ماسەلەلەر بار ەكەنىن بىلدىرەدى. ايتار بولساق, وق-ءدارى قويمالارىنان 3 جارىم مىڭداي قارۋ قولدى بولدى. وكىنىشتىسى, قاقتىعىس سالدارىنان جازىقسىز ادامدار وققا ۇشتى. ءتىپتى بالالار دا قازا تاپتى, – دەدى يرينا ۋنجاكوۆا.
مىنە, وسىنداي ولقىلىقتاردىڭ ورنىن تولتىرۋ ءۇشىن دەپۋتاتتار قۇقىق قورعاۋ جۇيەسىندەگى زاڭنامالاردى, قارۋدى ساقتاۋ تالاپتارىن كۇشەيتىپ وتىر. سونىمەن قاتار قاڭتار وقيعاسى شاعىن جانە ورتا بيزنەسكە, ءوندىرىس سالاسىنا دا زيانىن تيگىزگەنىن ايتىپ, مەملەكەت تاراپىنان زارداپ شەككەندەرگە وتەماقى تولەنگەنىن ايتتى. ۇلتتىق قور قارجىسىن پايدالانۋ جونىندە دە ءسوز بولدى.
– ەلىمىزدە 1 باررەل مۇنايدىڭ وزىندىك قۇنى 50 اقش دوللارىنا دەيىن جەتەدى. الەمدىك نارىقتا 100 دوللارعا ساتىلادى. ياعني تازا پايدا – تەك 50 دوللار. ال بىرىككەن اراب امىرلىكتەرىندە قارا التىننىڭ وزىندىك باعاسى 8 دوللار, تازا پايدا – 92 دوللار. ونىڭ ۇستىنە ەلىمىزدە مۇناي وڭدەۋ زاۋىتتارى از, بارلارى رەسەي مۇنايىن عانا وڭدەيدى. وسىنداي اۋىر جولمەن جيناقتاعان قوردى جاي عانا تاراتىپ بەرگەننەن ۇتارىمىز از. قازىر كوروناۆيرۋس ينفەكتسياسى قايتا كوبەيە باستادى. سوندىقتان قورداعى قارجىنى ءتيىمدى پايدالانعانىمىز دۇرىس, – دەپ ءتۇسىندىردى يرينا ۋنجاكوۆا.
ءيا, كەزدەسۋ بولعان سوڭ سۋىرىلىپ شىعىپ, سۇراق قويۋشىلار دا بولدى. ولاردىڭ كوتەرگەن ماسەلەلەرى – زەينەتاقى جاسىن قىسقارتۋ, قىمباتشىلىققا توقتاۋ سالۋ, جالاقىنى كوتەرۋ. دەپۋتاتتار زەينەتاقى ماسەلەسى ماجىلىستە قارالىپ جاتقاندىعىن ايتتى. ال ازىق-ت ۇلىك باعاسىنا تۇساۋ بولا المايمىز دەگەندەي پىكىر ءبىلدىردى.
جيىن سوڭىندا دەپۋتاتتار حالىقتىڭ ۇسىنىس-تىلەكتەرىن ۇكىمەتكە جەتكىزەتىندەرىن ايتتى.
شىعىس قازاقستان وبلىسى
