كۇنى كەشە عانا اتالعان جارىستىڭ نەگىزگى كەزەڭىنىڭ جەرەبەسى تارتىلدى. «ا» توبىنا تۇسكەن ەل چەمپيونى – «قايرات» ىرىكتەۋ سىنىندا فرانتسيانىڭ «سپورتينگى», بەلگيانىڭ «اندەرلەحتى» جانە يسپانيانىڭ «مالوركاسىمەن» كۇش سىناسادى. بۇل باسەكەلەر بريۋسسەلدە وتەدى. ەل بىرىنشىلىگىنىڭ كۇمىس جۇلدەگەرى – «ايات» «ۆ» توبىندا وينايدى. رۋدنىيلىقتاردىڭ قارسىلاستارى – حورۆاتيانىڭ «نوۆو ۆريەمە», پورتۋگاليانىڭ «سپورتينگ» جانە حورۆاتيانىڭ «پۋلو» كلۋبتارى. ولار زاگرەبتە شەبەرلىك بايقاسادى. ءار توپتا العاشقى ءۇش ورىندى يەلەنگەن كوماندا ەليتالىق كەزەڭگە جولداما الادى. بۇل باسەكەلەر 25-30 قازان ارالىعىندا وتەدى. ال ۇزدىكتەر سايىسىن قاراشا ايىنىڭ سوڭىندا تاماشالايمىز. وسى سىناقتاردان سۇرىنبەي وتكەن كلۋبتار كەلەسى جىلدىڭ كوكتەمىندە باس جۇلدەنى ءوزارا ساراپقا سالادى.
