«11 ارىز-شاعىم ءتۇستى. 6 جوسپاردان تىس تەكسەرۋ جۇرگىزدىك. انىقتالعانىنداي, ءبىر مەكتەپتىڭ ديرەكتورى وزىنە بولىنگەن ساباعىن وتكىزبەگەن, سول ارقىلى جالپىعا ءبىلىم بەرۋ ستاندارتىنىڭ تالاپتارىن بۇزعان. سول مەكتەپتە «پەداگوگ مارتەبەسى تۋرالى» زاڭ تالاپتارى دا بۇزىلعان. ديرەكتور مۇعالىمدەرگە مەكتەپكە قاجەتتى قۇرال الۋعا تاپسىرما بەرگەن. سونداي-اق مەكتەپ اكىمشىلىگى مۇعالىمنىڭ 3 ساعات جۇكتەمەسىن زاڭسىز الىپ, وقۋ باعدارلاماسى ورىندالماعان. سونىمەن قاتار تاعى ءبىر مەكتەپ باسشىسى وزىنە سالىنعان ايىپپۇلدى تولەۋ ءۇشىن مۇعالىمدەردەن اقشا جيناعان. سوعان سايكەس اكىمشىلىك شارالار قابىلداندى», دەدى وبلىستىق ءبىلىم سالاسىنداعى ساپانى قامتاماسىز ەتۋ دەپارتامەنتىنىڭ باسشىسى ەسبولات ومىرزاق وڭىرلىك كوممۋنيكاتسيالار ورتالىعىندا وتكەن بريفينگىدە.
جوسپاردان تىس تەكسەرۋ بارىسىندا ءبىر كوللەدج باسشىسىنىڭ اتقاراتىن قىزمەتىنە بەيىنى سايكەس كەلمەيتىن مامانداردى جۇمىسقا قابىلداعانى راستالدى.
بۇعان دەيىن حابارلاعانىمىزداي, ماڭعىستاۋ وبلىسىندا جىل باسىنان بەرى جۇرگىزىلگەن مەملەكەتتىك اتتەستاتتاۋدىڭ ءبىرىنشى كەزەڭىنەن 28 ءبىلىم بەرۋ ۇيىمى وتپەي قالعان.
ايانا توعانبەك
