الماتىدا ءبىلىمدى دامىتۋ جىلى باستالدى
قانداي دا ءبىر حالىقارالىق نەمەسە رەسپۋبليكا اياسىنداعى ءبىلىم جارىستارىندا الماتى وقۋشىلارى الدىنا كوماندا سالىپ كورگەن ەمەس. سوندىقتان دا, المالى قالانىڭ ورەندەرى كەز كەلگەن ماراپاتقا لايىق. بيىلعى «ۇركەر» توسبەلگىسىن تابىستاۋ ءراسىمى بۇرىنعىدان دا سالتاناتتى سيپاتقا يە بولدى.
سونىمەن, سوڭعى جىلدارى ءبىلىم ىزدەگەن بالالارعا ۇزدىكسىز بەرىلىپ كەلە جاتقان «ۇركەر» توسبەلگىسىن تاعۋ قۇرمەتى قالانىڭ ەڭ تالانتتى وقۋشىلارىنا, عىلىمي, بەينەلەۋ ونەرى مەن مۋزىكا سالاسى بويىنشا حالىقارالىق جانە رەسپۋبليكالىق وليمپيادالاردىڭ جۇلدەگەرلەرىنە بۇيىرعان. بيىل دا بۇل التىن توسبەلگىنى الماتى قالاسىنىڭ اكىمى احمەتجان ەسىموۆ ءاربىر ۇلگىلى وقۋشىعا ءوزى تاقتى.
الماتى اكىمى «ۇركەر» توسبەلگىسىمەن التى جىل ىشىندە 1252 وقۋشىنىڭ ماراپاتتالعانىن اتادى. الماتى كومانداسى 9 جىل قاتارىنان رەسپۋبليكالىق وليمپيادادا جانە وقۋشىلاردىڭ رەسپۋبليكالىق عىلىمي جارىستارىندا 12-رەت كوماندالىق باسەكەدە ءبىرىنشى ورىنداردى يەلەنىپ كەلە جاتقاندىعىن اتاپ ءوتتى. بۇلاردان وزگە قالا وقۋشىلارى حالىقارالىق وليمپيادالار مەن عىلىمي جارىستاردا 244 ءجۇلدەلى ورىنداردان كورىندى.
وسىلايشا الماتىدا ءبىلىمدى دامىتۋ جىلى «ۇركەر» توسبەلگىسىن تاپسىرۋمەن باستالدى. جاستىقتىڭ, ادەمىلىك پەن ماڭگىلىكتىڭ نىشانى تەكتەس ۇركەر شوقجۇلدىزى بەلگىسى – بۇرشىك اتىپ تۇرعان الما سياقتى جاسالىنعان.
مەگاپوليس قالانىڭ ءبىر بايلىعى – ۇلگىلى ۇرپاعى. ءبىلىم ىزدەگەن, ونەر ىزدەگەن وندىردەي ۇل-قىزدارى. سوندىقتان دا, جوعارىداعىداي ماراپاتقا لايىق بولۋدى ءاربىر وقۋشى ارماندايدى. بيىل دا بالالارعا ۇلكەن قۇلشىنىس بەرەتىن شارادا حالىقارالىق وليمپيادالار مەن ينتەللەكتۋالدى بايقاۋلار جەڭىمپازدارى بولىپ تابىلاتىن 9-11 سىنىپ وقۋشىلارى «ۇركەر» توسبەلگىسىمەن ماراپاتتالدى.
مەرەيلى وقيعاعا وراي قالا اكىمى احمەتجان ەسىموۆ:
– قازاقستاننىڭ بولاشاعى بۇگىنگى جاستارعا تىكەلەي قاتىستى. ينتەللەكتۋالدى جانە شىعارماشىلىق قىزمەتتىڭ, عىلىمي-زەرتتەۋ جۇمىستارىنىڭ بەلگىلى ءبىر سالاسى بويىنشا العا ۇمتىلۋ قوعامدا ءوز ورىندارىڭدى تابۋعا داڭعىل جول اشادى. سەندەردىڭ ءتۇرلى سالادا جەتكەن جەتىستىكتەرىڭ حالىقارالىق ارەنادا قازاقستاندىق ءبىلىمنىڭ باسەكەگە قابىلەتتىلىگى مەن بەدەلىن ارتتىرادى, – دەپ اتاپ ءوتتى.
ەسكە سالا كەتەيىك, 2009 جىلى بۇل بەلگىنى نەبارى 78 وقۋشى السا, بيىل «ۇركەرمەن» 323 جۇلدەگەر ماراپاتتالدى.
قالا باسشىسى بيىلعى جىل الماتىدا ءبىلىمدى دامىتۋ جىلى دەپ جاريالانعاندىقتان مەگاپوليستە مەكتەپ سالۋ مەن ولاردى جاڭعىرتۋ جوسپارلانىپ وتىرعانىن ايتا كەلىپ, «ۇركەرلىكتەردىڭ» اتا-انالارىنا العىس حاتتاردى تاپسىردى.
ايناش ەسالي,
«ەگەمەن قازاقستان».
الماتى.
قانداي دا ءبىر حالىقارالىق نەمەسە رەسپۋبليكا اياسىنداعى ءبىلىم جارىستارىندا الماتى وقۋشىلارى الدىنا كوماندا سالىپ كورگەن ەمەس. سوندىقتان دا, المالى قالانىڭ ورەندەرى كەز كەلگەن ماراپاتقا لايىق. بيىلعى «ۇركەر» توسبەلگىسىن تابىستاۋ ءراسىمى بۇرىنعىدان دا سالتاناتتى سيپاتقا يە بولدى.
سونىمەن, سوڭعى جىلدارى ءبىلىم ىزدەگەن بالالارعا ۇزدىكسىز بەرىلىپ كەلە جاتقان «ۇركەر» توسبەلگىسىن تاعۋ قۇرمەتى قالانىڭ ەڭ تالانتتى وقۋشىلارىنا, عىلىمي, بەينەلەۋ ونەرى مەن مۋزىكا سالاسى بويىنشا حالىقارالىق جانە رەسپۋبليكالىق وليمپيادالاردىڭ جۇلدەگەرلەرىنە بۇيىرعان. بيىل دا بۇل التىن توسبەلگىنى الماتى قالاسىنىڭ اكىمى احمەتجان ەسىموۆ ءاربىر ۇلگىلى وقۋشىعا ءوزى تاقتى.
الماتى اكىمى «ۇركەر» توسبەلگىسىمەن التى جىل ىشىندە 1252 وقۋشىنىڭ ماراپاتتالعانىن اتادى. الماتى كومانداسى 9 جىل قاتارىنان رەسپۋبليكالىق وليمپيادادا جانە وقۋشىلاردىڭ رەسپۋبليكالىق عىلىمي جارىستارىندا 12-رەت كوماندالىق باسەكەدە ءبىرىنشى ورىنداردى يەلەنىپ كەلە جاتقاندىعىن اتاپ ءوتتى. بۇلاردان وزگە قالا وقۋشىلارى حالىقارالىق وليمپيادالار مەن عىلىمي جارىستاردا 244 ءجۇلدەلى ورىنداردان كورىندى.
وسىلايشا الماتىدا ءبىلىمدى دامىتۋ جىلى «ۇركەر» توسبەلگىسىن تاپسىرۋمەن باستالدى. جاستىقتىڭ, ادەمىلىك پەن ماڭگىلىكتىڭ نىشانى تەكتەس ۇركەر شوقجۇلدىزى بەلگىسى – بۇرشىك اتىپ تۇرعان الما سياقتى جاسالىنعان.
مەگاپوليس قالانىڭ ءبىر بايلىعى – ۇلگىلى ۇرپاعى. ءبىلىم ىزدەگەن, ونەر ىزدەگەن وندىردەي ۇل-قىزدارى. سوندىقتان دا, جوعارىداعىداي ماراپاتقا لايىق بولۋدى ءاربىر وقۋشى ارماندايدى. بيىل دا بالالارعا ۇلكەن قۇلشىنىس بەرەتىن شارادا حالىقارالىق وليمپيادالار مەن ينتەللەكتۋالدى بايقاۋلار جەڭىمپازدارى بولىپ تابىلاتىن 9-11 سىنىپ وقۋشىلارى «ۇركەر» توسبەلگىسىمەن ماراپاتتالدى.
مەرەيلى وقيعاعا وراي قالا اكىمى احمەتجان ەسىموۆ:
– قازاقستاننىڭ بولاشاعى بۇگىنگى جاستارعا تىكەلەي قاتىستى. ينتەللەكتۋالدى جانە شىعارماشىلىق قىزمەتتىڭ, عىلىمي-زەرتتەۋ جۇمىستارىنىڭ بەلگىلى ءبىر سالاسى بويىنشا العا ۇمتىلۋ قوعامدا ءوز ورىندارىڭدى تابۋعا داڭعىل جول اشادى. سەندەردىڭ ءتۇرلى سالادا جەتكەن جەتىستىكتەرىڭ حالىقارالىق ارەنادا قازاقستاندىق ءبىلىمنىڭ باسەكەگە قابىلەتتىلىگى مەن بەدەلىن ارتتىرادى, – دەپ اتاپ ءوتتى.
ەسكە سالا كەتەيىك, 2009 جىلى بۇل بەلگىنى نەبارى 78 وقۋشى السا, بيىل «ۇركەرمەن» 323 جۇلدەگەر ماراپاتتالدى.
قالا باسشىسى بيىلعى جىل الماتىدا ءبىلىمدى دامىتۋ جىلى دەپ جاريالانعاندىقتان مەگاپوليستە مەكتەپ سالۋ مەن ولاردى جاڭعىرتۋ جوسپارلانىپ وتىرعانىن ايتا كەلىپ, «ۇركەرلىكتەردىڭ» اتا-انالارىنا العىس حاتتاردى تاپسىردى.
ايناش ەسالي,
«ەگەمەن قازاقستان».
الماتى.
