2021 جىلعى ماۋسىم مەن 2022 جىلعى ماۋسىم ارالىعىندا قولدانىستاعى پاتەرلەردىڭ باعاسى – 26,8%, ال جاڭا پاتەرلەر – 19,5%-عا وسكەن. اباتتاندىرىلعان تۇرعىن ءۇيدى جالعا الۋ اقىسى 21%-عا كوتەرىلگەن. وڭىرلەر بويىنشا جاڭادان سالىنعان تۇرعىن ءۇي باعاسى نۇر-سۇلتاندا ايتارلىقتاي جوعارىلاعان – 27,9%.
قولدانىستاعى پاتەرلەر نارىعىندا باعانىڭ ەڭ جوعارى ءوسىمى قىزىلوردا قالاسىندا (46,7%), ال جالعا الۋ قۇنى الماتى قالاسىندا (48,3%) قىمبات. بيىلعى مامىردان ماۋسىمعا دەيىن, ياعني ءبىر ايدا جاڭا تۇرعىن ءۇي باعاسى – 1,1%, ال قايتا ساتۋ – 0,4% ءوستى. اباتتاندىرىلعان تۇرعىن ءۇيدى جالعا الۋ اقىسى مامىرمەن سالىستىرعاندا ماۋسىمدا 1,1% تومەندەگەن.
سونىمەن قاتار ۇلتتىق ستاتيستيكا بيۋروسى تۇرعىن ءۇي باعاسى بويىنشا اي سايىن مونيتورينگ جۇرگىزەدى. باعا يندەكستەرى وبلىس ورتالىقتارى مەن نۇر-سۇلتان, الماتى, شىمكەنت, سەمەي قالالارى بويىنشا ىرىكتەپ بايقاۋ دەرەكتەرى نەگىزىندە جاسالادى.
ايانا توعانبەك
