سەربيانىڭ نوۆي-ساد قالاسىندا ۇيىمداستىرىلعان «سەربيا وپەن» جارىسىنا الەمنىڭ 29 ەلىنەن كەلگەن 200-گە جۋىق شاحماتشى ءبىر اپتا بويى سىنعا ءتۇستى. اشىق چەمپيوناتتا الەمنىڭ 9 گروسسمەيستەرى, 68 حالىقارالىق شەبەرى, 6 ايەلدەر گروسسمەيستەرى جانە 13 حالىقارالىق ايەلدەر شەبەرى ونەر كورسەتتى. جارىس قورىتىندىسى بويىنشا قىزدار اراسىنداعى سايىستا گرەكيالىق ستاۆروۋلا تسولاكيدۋ باس جۇلدەنى ولجالاسا, ۇندىستاندىق ساكشي چيتلانگە ەكىنشى ورىنعا يە بولدى.
ەندى ءبيبىسارا اساۋباەۆا شىلدەنىڭ 28-ءى كۇنى ءۇندىستاننىڭ چەنناي قالاسىندا جالاۋى جەلبىرەيتىن شاحماتشىلاردىڭ 44-ءشى وليمپياداسىنا قاتىسادى. وليمپيادا 10 تامىزعا دەيىن جالعاسادى.
