1993 جىلى كانادانىڭ مەديسين-حات قالاسىندا دۇنيەگە كەلگەن حوككەيشى 2017 جىلى «بارىستىڭ» جەيدەسىن كيدى. ارادا ءبىر جىلدان اسا ۋاقىت وتكەندە ول قازاقستان ازاماتتىعىن الىپ, شايبالى حوككەيدەن ۇلتتىق قۇراما ساپىندا دا حالىقارالىق ارەنالاردا ويناي باستادى. 2017 جىلدان 2021 جىلعا دەيىن بەس ماۋسىم «بارىس» ساپىندا ونەر كورسەتىپ, بىلتىر ماسكەۋدىڭ تسسكا كلۋبىنا اۋىسقان ول بيىل كومانداسىمەن بىرگە گاگارين كۋبوگىنىڭ جەڭىمپازى اتاندى. جارتى جىلدىڭ ىشىندە قازاقستاندىق حوككەيشى تسسكا ساپىندا 28 ماتچ وتكىزىپ, التى ۇپاي جينادى.
ايتا كەتەيىك, ديتس «بارىس» كلۋبىندا ءجۇرىپ ءار جىلدارى قحل-ءدىڭ ەڭ ۇزدىك قورعاۋشىسى, ەڭ كوپ گول سوعاتىن قورعاۋشى-سۇرمەرگەن دەگەن اتاققا قول جەتكىزدى. سونىمەن قاتار قازاقستان قۇراماسىنىڭ قورعاۋشىسى استانالىق كلۋب ساپىندا جالپى سانى 269 كەزدەسۋ وتكىزىپ, 174 ۇپاي (67+107) جينادى. داررەن ديتس «بارىستىڭ» ەڭ قىمبات ويىنشىسى رەتىندە ەستە قالماق. ءتۇرلى بونۋستار مەن سىياقىلاردى ەسەپتەمەگەندە, ءديتستىڭ جىلدىق جالاقىسى 100 ميلليون رۋبل (شامامەن 597 337 300 تەڭگە) كولەمىندە ەدى.
ايتا كەتەيىك, گاگارين كۋبوگى قازاقستانعا وسىمەن ەكىنشى رەت اكەلىندى. بۇعان دەيىن 2011 جىلى قازاقستاندىق قاقپاشى ۆيتالي كولەسنيك «سالاۆات يۋلاەۆ» ساپىندا ءدال وسى كۋبوكقا قول جەتكىزىپ, وسكەمەنگە الىپ كەلگەن بولاتىن.
