ەلباسى • 06 شىلدە، 2022

نۇرسۇلتان نازارباەۆتىڭ اتىنا مەرەكەلىك حاتتار كەلىپ تۇسۋدە

80 رەت كورسەتىلدى

نۇرسۇلتان نازارباەۆتىڭ اتىنا ەلوردا كۇنىنە جانە ءوزىنىڭ تۋعان كۇنىنە وراي مەرەكەلىك حاتتار مەن جەدەلحاتتار كەلىپ تۇسۋدە، دەپ حابارلايدى Egemen.kz تۇڭعىش پرەزيدەنتتىڭ سايتىنا سىلتەمە جاساپ. 

رەسەي فەدەراتسياسىنىڭ پرەزيدەنتى ۆلاديمير پۋتين ءوز جەدەلحاتىندا قازاقستاننىڭ قازىرگى تاريحىنداعى اسا ماڭىزدى بەلەستەردىڭ بارلىعى نۇرسۇلتان نازارباەۆتىڭ ەسىمىمەن تىعىز بايلانىستى ەكەنىن اتاپ ءوتتى. ۆلاديمير پۋتين قازاقستاننىڭ تۇڭعىش پرەزيدەنتى ءوزىنىڭ ۇزاق جىلدار بويى اتقارعان مەملەكەتتىك قىزمەتىندە وتانداستارىنىڭ قۇرمەتىنە بولەنىپ، حالىقارالىق ابىرويعا يە بولعانىن جەتكىزدى. رەسەي فەدەراتسياسىنىڭ پرەزيدەنتى سونداي-اق نۇرسۇلتان نازارباەۆتىڭ ينتەگراتسيالىق باستامالاردى جۇزەگە اسىرۋداعى رولىنە توقتالدى.

«ەلدەرىمىز اراسىندا وداقتاستىق قاتىناستار مەن ستراتەگيالىق ىنتىماقتاستىق ورناتۋعا، سونىمەن قاتار ەۋرازيا كەڭىستىگىندەگى ينتەگراتسيالىق پروتسەستەردى ىلگەرىلەتۋگە ءسىزدىڭ قوسقان ۇلەسىڭىز زور»، دەلىنگەن ۆلاديمير ءپۋتيننىڭ جەدەلحاتىندا.

قىتاي حالىق رەسپۋبليكاسىنىڭ توراعاسى سي تسزينپين ەكى ەل حالىقتارىنىڭ اراسىنداعى جان-جاقتى ىنتىماقتاستىقتى تەرەڭدەتۋگە نۇرسۇلتان نازارباەۆتىڭ قوسقان ۇلەسىنە توقتالدى. ول قازاقستان مەن قىتاي اراسىنداعى قازىرگى مەملەكەتارالىق قاتىناس تاتۋ كورشىلىكتىڭ ۇلگىسى ەكەنىن اتاپ ءوتتى.

ء«سىزدىڭ ەكىجاقتى قارىم-قاتىناستى ىلگەرىلەتۋ مەن دامىتۋعا قوسقان ۇلەسىڭىزدى جوعارى باعالايمىن»، دەگەن سي تسزينپين قازاقستاننىڭ تۇڭعىش پرەزيدەنتىن كەز كەلگەن ۋاقىتتا قىتاي ەلىنىڭ قۇرمەتتى مەيمانى رەتىندە قارسى الاتىنىن جەتكىزدى.

جىلى لەبىزىن ءبىلدىرىپ جەدەلحات جولداعان، نۇرسۇلتان نازارباەۆتىڭ ەل پرەزيدەنتى قىزمەتىندەگى رولىنە جوعارى باعا بەرگەن باسقا دا شەتەل مەملەكەتتەرى مەن ۇكىمەتتەرى باسشىلارىنىڭ قاتارىندا وزبەكستان رەسپۋبليكاسىنىڭ پرەزيدەنتى شاۆكات ميرزيوەۆ، تاجىكستان رەسپۋبليكاسىنىڭ پرەزيدەنتى ەمومالي راحمون، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو، قىرعىز رەسپۋبليكاسىنىڭ پرەزيدەنتى سادىر جاپاروۆ، رەسەي فەدەراتسياسى ۇكىمەتىنىڭ توراعاسى ميحايل ميشۋستين جانە باسقالارى بار.

ءتۇرلى مەملەكەتتەردىڭ كوشباسشىلارى قازاقستاننىڭ تۇڭعىش پرەزيدەنتىنىڭ ەلدەر اراسىندا تاتۋ كورشىلىك، ستراتەگيالىق ىنتىماقتاستىق جانە دوستىق بايلانىستاردى دامىتۋعا قوسقان ۇلەسىن جوعارى باعالادى.

مەرەكەلىك قۇتتىقتاۋلاردا نۇرسۇلتان نازارباەۆتىڭ باسشىلىعىمەن قازاقستان تاۋەلسىزدىك جىلدارىندا ساياسي، ەكونوميكالىق جانە الەۋمەتتىك سالالاردا ماڭىزدى جەتىستىكتەرگە جەتىپ، حالىقارالىق قوعامداستىقتا لايىقتى ورىنعا يە بولعانى ايتىلعان.

رەسەي فەدەراتسياسىنىڭ جانە الىس-جاقىن شەتەلدەردىڭ مەملەكەت جانە قوعام قايراتكەرلەرىنەن كوپتەگەن حاتتار كەلىپ ءتۇستى. وندا قازاقستاننىڭ تۇڭعىش پرەزيدەنتىنىڭ ەۋرازيا كەڭىستىگىندە ىنتىماقتاستىقتى، تۇراقتىلىق پەن قاۋىپسىزدىكتى نىعايتۋعا قوسقان زور ۇلەسى اتاپ وتىلگەن.

جىلداعى ءداستۇر بويىنشا قازاقستاندىق ساياسي قايراتكەرلەردەن، وتاندىق جانە شەتەلدىك ىسكەر توپتار وكىلدەرىنەن قۇتتىقتاۋلار كوپ بولدى. ولار نۇرسۇلتان نازارباەۆتىڭ ەلىمىزدە ساياسي تۇراقتىلىق پەن الەۋمەتتىك-ەكونوميكالىق دامۋدى قامتاماسىز ەتۋ جولىنداعى ەڭبەگىنە توقتالدى.

قازاقستاننىڭ كورنەكتى قوعام قايراتكەرلەرى، عىلىم مەن شىعارماشىلىق ينتەلليگەنتسيا وكىلدەرى قازاقستاننىڭ تۇڭعىش پرەزيدەنتىن ەلوردا كۇنىمەن قۇتتىقتاپ، زور دەنساۋلىق تىلەگەن جىلى لەبىزدەرىن جەتكىزدى. بۇل قاتاردا مادەنيەت قايراتكەرى، وپەرا ءانشىسى م.مۋدرياك ەلىمىزدىڭ گۇلدەنۋىنە، حالىقتىڭ ءال-اۋقاتىنىڭ جاقسارۋى جولىندا ۇلكەن ىستەر اتقارعان قازاقستاننىڭ تۇڭعىش پرەزيدەنتىن ماقتان تۇتاتىنىن ايتتى.

ەلىمىزدىڭ جانە تاياۋ شەتەل ازاماتتارىنان نۇرسۇلتان نازارباەۆتىڭ اتىنا زور دەنساۋلىق پەن سارقىلماس كۇش-قۋات تىلەپ، جىلى لەبىزدەرىن جولداعان حات-حابارلار كوپتەپ كەلدى. ءتۇرلى بۋىن وكىلدەرى مەن كاسىپ يەلەرى نۇرسۇلتان نازارباەۆقا قازاقستان پرەزيدەنتى كەزىندە اتقارعان قىزمەتى ءۇشىن العىس ءبىلدىردى. ولاردىڭ ىشىندە نۇر-سۇلتان قالاسىندا تۇراتىن اپالى-ءسىڭلىلى ايجان مەن ءاليا ايتحوجينالار تۇڭعىش پرەزيدەنتتى تۋعان كۇنىمەن قۇتتىقتاپ، وسىنداي اسەم قالا ءۇشىن شىنايى العىس سەزىمدەرىن ءبىلدىردى. ال الماتى وبلىسىنىڭ تۇرعىنى ن.ەدىگەەۆا ءوزىنىڭ جىلى لەبىزى مەن شىنايى تىلەكتەرىن ولەڭ جولدارى ارقىلى جەتكىزدى.

نۇرسۇلتان نازارباەۆ كەلىپ تۇسكەن حات-حابارلارمەن تانىسىپ، بارلىق قۇتتىقتاۋ حاتتاردىڭ اۆتورلارىنا جىلى سوزدەرى مەن ىستىق تىلەكتەرى ءۇشىن ريزاشىلىعىن بىلدىرەدى.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار