فۋتبول • 06 شىلدە، 2022

«ورداباسى» كوشباسشىلار قاتارىنا قوسىلدى

20 رەت كورسەتىلدى

ۇلتتىق قۇرامانىڭ ۇلتتار ليگاسىنداعى ويىندارىنا بايلانىستى ۋاقىتشا توقتاتىلعان فۋتبولدان ەل چەمپيوناتى اراعا ءۇش تۋر سالىپ تاعى دا ۇزىلىسكە شىقتى. قپل باسەكەلەرى بۇل جولى قازاقستاندىق كوماندالاردىڭ ەۋروكۋبوكتاعى جانە ەل كۋبوگىنداعى ويىندارىنا بايلانىستى توقتاتىلدى. تامىزدىڭ ەكىنشى جارتىسىنا دەيىن سوزىلاتىن ۋاقىتشا ءۇزىلىستى پايدالانىپ، كلۋبتاردىڭ كەشەگى كۇنگە دەيىنگى تۋرنير كەستەسىنە شولۋ جاساپ كورگەن ەدىك.

الدىمەن ەۋروكۋبوك جارىستارىندا ونەر كورسەتەتىن كوماندالاردىڭ جاي-كۇيىنە توقتالساق. بۇگىن چەمپيوندار ليگاسىندا باق سىنايتىن قوستانايدىڭ «توبىلى» ءوز الاڭىندا ماجارستاننىڭ «فەرەنتسۆاروش» كلۋبىن قابىلدايدى. ماتچ ەلوردا ۋاقىتىمەن ساعات 20:00-دە باستالادى.

قوستاناي كومانداسى چەمپيوناتتاعى كەيىنگى ءۇش تۋردىڭ بارلىعىندا جەڭىسكە جەتكەنىمەن، ويىنى جەرگىلىكتى جانكۇيەرلەردىڭ كوڭىلىنەن شىعىپ جاتىر دەپ ايتا المايمىز. العاشقى ەكى كەزدەسۋدە «كاسپي» (1:0) مەن «قىزىلجاردان» (3:1) باسىم تۇسكەنىمەن، 16-تۋردا سىرت الاڭدا چەمپيونات اۋتسايدەرىنىڭ ءبىرى «تۇرانمەن» تەڭ ويناۋعا ءماجبۇر بولدى – 2:2. كەزدەسۋدىڭ 85-مينۋتىنا دەيىن 2:0 ەسەبىمەن جەڭىلىپ جاتقان «توبىل»، ابىروي بولعاندا، سوڭعى مينۋتتاردا تارازى باسىن تەڭەستىرىپ، جەڭىلىستەن قۇتىلىپ كەتتى. 16-تۋردان كەيىن (13-تۋر ويىندارى تامىز ايىنا شەگەرىلگەن) «توبىل» تۋرنير كەستەسىندە 25-ۇپايمەن ءتورتىنشى ورىنعا جايعاسقان.

كونفەرەنتسيا ليگاسىندا بيىل قاتارىنان ەكىنشى جىل باق سىنايتىن ەلوردانىڭ «استاناسى» ءۇش تۋردا قارسىلاستارىنىڭ قاقپاسىنا 10 گول سوعىپ، ءوز قاقپاسىنا 4 گول وتكىزىپ الدى. 14-تۋردا «استانا ارەنادا» «اقسۋ» قاقپاسىنا جاۋاپسىز بەس گول سوقسا، 15-تۋردا سىرت الاڭدا «اقتوبەدەن» ءىرى ەسەپپەن جەڭىلدى – 4:1. ال ءۇش كۇنگە جالعاسقان 16-تۋردا ءوز الاڭىندا «ماقتارالدى» 4:0 ناتيجە­س­ىمەن قاپى قالدىردى. بۇل ويىندا «استا­نانىڭ» حورۆاتيالىق لەگيونەرى مارين توماسوۆ حەت-تريكتىڭ اۆتورى اتانسا، جاس ويىنشى سۇلتان ساعىناەۆ كەزدەسۋدىڭ نۇكتەسىن قويدى. ەلوردالىقتار وسى جەڭىسىنەن كەيىن تۋرنير كەستەسىندە 27 ۇپايمەن جەكە-دارا كوش باستادى.

قازاقستاندىق كلۋبتار اراسىندا ءبىرىنشى بولىپ كونفەرەنتسيا ليگاسىنىڭ توپتىق كەزەڭىندە ونەر كورسەتكەن الماتىنىڭ «قايراتى» بيىل­عى ەل چەمپيوناتىن وتە ءساتسىز وتكەرۋدە. بىرىنشىلىكتىڭ 16-تۋرىنان كەيىن «قايرات» 23 ۇپايمەن 6-ورىنعا جايعاسقان. جۋىردا كوماندادان باس باپكەر قۇربان بەردىەۆ پەن پولشا ۇلتتىق قۇراماسىنىڭ ويىنشىسى ياتسەك گۋرالسكي كەتىپ، كلۋب ودان ءارى قيىن جاعدايدا قالدى. «قايرات» سوڭعى ءۇش تۋردىڭ ەكەۋىندە «ماقتارال» (1:0) مەن «اقجايىقتى» (2:0) جەڭىپ، «تارازبەن» تەڭ وينادى – 1:1.

ال ەۋروكۋبوك ويىندارىنا بيىل تۇڭعىش رەت قاتىسقالى جاتقان «قىزىلجاردىڭ» دا چەمپيوناتتا كورسەتىپ جاتقانى ويىنى كوڭىل كونشىتپەيدى. بىلتىرعى ەل بىرىنشىلىگىن جوعارى دەڭگەيدە وتكىزگەن پەتروپاۆلدىڭ كومانداسى بيىل سول قارقىنىن جوعالتىپ الدى. 16-تۋردىڭ نەبارى ءۇش-اق ويىنىندا جەڭىسكە جەتكەن «قىزىلجار» تۋرنير كەستەسىندە 15 ۇپايمەن 12-ورىندا كەلەدى. كەيىنگى ءۇش تۋردا ولار سىرت الاڭدا «شاحتەردى» جەڭگەنىمەن (2:1)، قالعان ەكى ويىندا «توبىل» (3:1) مەن «اقسۋدان» (1:0) جەڭىلىپ قالدى.

كونفەرەنتسيا ليگاسىنا قاتىساتىن ءۇش كوماندا دا جارىستى ەكىنشى ىرىكتەۋ كەزەڭىنەن باستايدى. «استانا» سىرت الاڭدا پولشانىڭ «راكۋۆ» كلۋبىمەن كەزدەسسە، «قايرات» ال­ما­تىدا ماجارستاننىڭ «كيشۆاردا»، «قىزىل­جار» ەلوردادا حورۆاتيانىڭ «وسيەك» كومانداسىن قابىلدايدى. العاشقى ويىندار 21 شىلدەدە وتەدى.

سونداي-اق چەمپيوناتتىڭ كەيىنگى ويىندارىندا قازاقستاننىڭ جانە شەتەلدىڭ ۇزدىك ويىنشىلارىنان قۇرالعان «اقتوبە» مەن كىل جاستاردان جاساقتالعان شىمكەنتتىڭ «ورداباسى» جاقسى ناتيجە كورسەتە باستادى. سول ويىندارىنىڭ ارقاسىندا ەكى ۇجىم دا تۋرنير كەستەسىنىڭ العاشقى ۇشتىگىن تۇيىندەپ تۇر. «اقتوبە» سوڭعى ءتورت ويىندا «شاحتەر» (3:2)، «استانا» (4:1)، «اتىراۋ» (2:0) جانە «توبىل» (2:1) كلۋبتارىنان باسىم تۇسسە، «ورداباسى» «كاسپي» (4:1)، «اقجايىق» (1:0)، «تاراز» (3:2) جانە «اقسۋدى» (3:0) قاپى قالدىردى.

العاشقى اينالىمعا دەيىن ءتاۋىر ويىن كورسەتىپ، ءبىر كەزدەرى تۋرنير كەستەسىندە كوش باستاعان «تاراز» كەيىنگى ءتورت ويىندا جەڭىسكە جەتە الماعان جوق. سۇرەڭسىز ويىن كورسەتىپ كەلە جاتقان كوماندالاردىڭ قاتارىندا «ماق­تاارال»، «اقجايىق»، «كاسپي»، «اقسۋ»، «شاح­تەر» سياقتى كوماندالار دا بار.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار