سپورت • 05 شىلدە، 2022

ەشكىمنەن جەڭىلمەگەن ساڭلاقتار

25 رەت كورسەتىلدى

تاياۋدا UFC-ءدىڭ رەسمي سايتىندا ارالاس جەكپە-جەكتەن وتكەن جارىستاردا ەشكىمنەن جەڭىلمەگەن سەگىز سپورتشىنىڭ ەسىمى جاريا ەتىلدى. سول تىزىمدە ءبىزدىڭ شاۆقات راحمونوۆ تا بار. جارتىلاي ورتا سالماقتا ونەر كورسەتىپ جۇرگەن قازاقتىڭ ءور مىنەزدى ۇلى ۇزدىكتەر رەيتينگىندە ەكىنشى ورىندى يەلەنۋدە.

كوش باسىندا – حۋسەين اسحا­بوۆ. چەشەنستاندا تۋىپ-ءوسىپ، كەيىننەن فرانتسياعا قونىس اۋدارعان 27 جاستاعى سپورتشى جاۋىنگەرلىك سامبونى جە­تىك مەڭگەرىپ، كوپتەگەن اسا ءىرى حالىقارالىق جارىستا جەڭىس تۇعى­رىنا كوتەرىلدى. وسىدان 10 جىل بۇرىن ارالاس جەكپە-جەكتەن تۇساۋكەسەر كەزدەسۋىن وتكىزگەن حۋسەين سول كەزدەن بەرى 23 رەت وك­تاگونعا شىعىپ، بارلىعىندا جەڭىسكە جەتتى. 16 باسەكەدە ايقىن باسىمدىق تانىتتى. دەسەك تە ول UFC-ءدىڭ تۋى استىندا ءالى بىردە-ءبىر كەزدەسۋ وتكىزگەن جوق. نەگىزىنەن چەشەن جىگىتى ECSF، GEFC، WWFC جانە WFCA سە­كىل­دى ورتاڭقول ۇيىمداردا جۇ­دىرىقتاستى. ءوزىنىڭ الەمدەگى ەڭ بەلدى پروموۋشەندەگى ال­عاش­قى ايقاسىن اسحابوۆ 17 شىل­دەدە وتكىزەدى. ول 34 جاستاعى برا­زيليالىق فايتەر گەربەرت بەرنسپەن كۇش سىناسادى. تەك سول كەزدە عانا فرانتسيا وكىلىنىڭ قانشالىقتى قارۋلى ەكەنىنە ناقتى باعا بەرۋگە بولادى.

ەكىنشى ورىنداعى شاۆقات راح­مو­نوۆتىڭ ءجۇرىپ وتكەن جولى بارشا قازاقستاندىق جانكۇيەردىڭ كوز الدىندا. 27 جاستاعى قانداسىمىز وسى سپورت ءتۇرىن 2014 جىلدان بەرى سەرىك ەتىپ كەلەدى. سول ارالىقتا 16 كەزدەسۋ وتكىزىپ، بارلىعىندا ايقىن جەڭىسكە قول جەتكىزدى. 2020 جىلدىڭ قازان ايىندا شاۆقات UFC-دەگى العاشقى كەزدەسۋىن وتكىزدى. ابۋ-دابيدە وتكەن تۋرنيردە الەكس وليۆەيرانى جانە 2021 جىلى لاس-ۆەگاستا ميشەل پرازەريستى سابميشن ادىسىمەن ۇتتى. برازيليانىڭ قوس مىقتىسى تىزە بۇككەننەن كەيىن شاۆقات بيىل قىستا گايانالىق كارلستون ءحارريستى تالدىرسا، جۋىردا عانا امەريكالىق نيل مەگنيدى وڭدىرماي سابادى.

ءۇشىنشى مەن بەسىنشى ورىنداردى ءوزارا بولىسكەن مولدوۆانىڭ مارقاسقاسى الەكساندر رومانوۆ، ۋەلستىڭ سايىپقىرانى دجەك شور جانە رەسەيدىڭ مىقتى­سى موۆسار ەۆلوەۆتىڭ كورسەت­كىشتەرى بىردەي. ولار دا ءدال شاۆقات راحمونوۆتاي 16 كەزدە­سۋدەن وتكىزىپ، بارلىعىندا مە­رەي­لەرى ۇستەم بولدى. ونداي جاع­دايدا رەيتينگ جاسالعاندا سپورتشىلاردىڭ قانشا رەت ايقىن باسىمدىق تانىتقانى ەسكەرىلەدى. بۇل رەتتە قازاق جىگىتىنىڭ وزگەر­لەر­­دەن كوشى ىلگەرى. شاۆقات 100 پايىز­­دىق كورسەتكىشكە يە. ءۇشىنشى ساتى­عا جايعاسقان اۋىر سالماقتاعى رومانوۆ تەك ءبىر باسەكەنى عانا مەر­زىمىنەن بۇرىن اياقتاي الما­عان ەكەن. قالعان 15-ىندە نوكاۋت تىركەلگەن. اسا جەڭىل سالماقتاعى شور 12 قار­سى­لاسىن ەسىنەن تاندىرسا، ەۆلوەۆ
7 رەت ايقىن جەڭىسكە قول جەتكىزىپتى.

سونداي-اق جەڭىلىستىڭ كەرمەك ءدامىن تاتپاعانداردىڭ تىزىمىندە امەريكالىق برايس ميتچەلل (15-0، 9) مەن  شون برەدي (15-0، 7) جانە رەسەيلىك ۋمار نۋرماگومەدوۆ (15-0، 8) سىندى ساڭلاقتار بار.

سوڭعى جاڭالىقتار

اباي مۇراسى اسقاقتادى

اباي • بۇگىن، 00:04

ۇلتتىق مەرەكە

اباي • بۇگىن، 00:02

ەت ماسەلەسىنە ەپ كەرەك

ەكونوميكا • بۇگىن، 00:01

ۇلت ۇستازى جانە باتپاقتى مەكتەبى

احمەت بايتۇرسىن ۇلى • كەشە

جاۋىنگەر جىر

تانىم • كەشە

تالانت پەن تاعدىر

ونەر • كەشە

شيپالى سۋلار شەجىرەسى

ايماقتار • كەشە

تاڭبالى تانىمى

تانىم • كەشە

تسيرك

ونەر • كەشە

ۇقساس جاڭالىقتار