D توبىندا سيريا, باحرەين جانە يران قۇرامالارىمەن سىنعا تۇسكەن ولەگ كيسەلەۆ شاكىرتتەرى التى ماتچتىڭ بەسەۋىندە جەڭىسكە جەتىپ, تەك سوڭعى تۋردا باحرەينگە ەسە جىبەردى. ەلورداداعى «سارىارقا» ۆەلوترەگىندە وتكەن ويىندا قوناقتار 62:51 ەسەبىمەن باسىم ءتۇستى. قازاقستان قۇراماسى سوڭعى تۋردا جەڭىلگەنىنە قاراماستان ءوز توبىندا 1-ورىن الىپ, ىرىكتەۋدىڭ 2-اينالىمىنا جولداما الدى. الەم كۋبوگىنىڭ ەكىنشى ىرىكتەۋ كەزەڭىندە قازاقستاندىق باسكەتبولشىلار باحرەين, يران, اۋستراليا, قىتاي جانە جاپونيا قۇراماسىمەن جولدامانى ساراپقا سالادى. العاشقى ءۇش ورىنداعى قۇرامالار الەم كۋبوگىنا قاتىسادى. ىرىكتەۋ ويىندارى تامىز, قاراشا جانە 2023 جىلدىڭ اقپانىندا وتەدى دەپ جوسپارلانعان.
ايتا كەتەيىك, باسكەتبولدان 2023 جىلعى الەم كۋبوگى 25 تامىز بەن 10 قىركۇيەك ارالىعىندا بىردەن 3 مەملەكەتتە – يندونەزيا, جاپونيا جانە فيليپپيندە ۇيىمداستىرىلادى. قازاقستان قۇراماسى 2019 جىلعى الەم كۋبوگىنىڭ ەكىنشى ىرىكتەۋ كەزەڭىنە وتكەنىمەن, فينالدىق سايىسقا جولداما الا الماعان ەدى.
