الەم • 04 شىلدە، 2022

نۇكىستەگى تارتىپسىزدىك بارىسىندا 18 ادام قازا تاپتى

65 رەت كورسەتىلدى

نۇكىستەگى تارتىپسىزدىكتەر كەزىندە 18 ادام قايتىس بولدى. تاعى 243 ادام جاراقات الدى، ونىڭ ىشىندە 38-ءى قۇقىق قورعاۋ ورگاندارىنىڭ قىزمەتكەرى، دەپ حابارلايدى Egemen.kz.

«الدىن الا اقپارات بويىنشا 149 ادام العاشقى كومەك الىپ، ۇيلەرىنە جىبەرىلدى. قازىرگى ۋاقىتتا اۋرۋحانالاردا 94 ادام جاتىر. 1-2 شىلدەدە دەمونستراتسيا ورنىندا 516 ادام ۇستالدى. ۇستالعاندارعا قاتىستى تەرگەۋ جۇرگىزىلۋدە، ولاردىڭ كەيبىرەۋلەرىنە اكىمشىلىك جازالاۋ شارالارى قولدانىلىپ، قاماۋدان بوساتىلدى. 3-4 شىلدەگە قاراعان ءتۇنى كومەندانتتىق ساعاتتىڭ تالاپتارىن بۇزعانى ءۇشىن كوشەدە ماقساتسىز جۇرگەن 110 ادام ۇستالدى. ايىپپۇل تۇراعىنا 12 اۆتوكولىك قۇرالى ورنالاستىرىلدى»، دەدى وزبەكستان ۇلتتىق ۇلانى ءباسپاسوز قىزمەتىنىڭ جەتەكشىسى داۆرون جۇمانازاروۆ.

سونداي-اق ول ۇلتتىق ۇلاننىڭ جارالانعان قىزمەتكەرلەرى تۋرالى ايتتى.

«قاراقالپاقستاننىڭ ءبىر جاۋىنگەرىنىڭ كەۋدەسىنە وق تيگەن. ەكىنشىسىنىڭ اياعى سىنعان. دجيزاك پەن تاشكەنتتەن كەلگەن ءبىر قىزمەتكەر باسىنان اشىق جاراقات الدى»، دەدى د.جۇمانازاروۆ.

ايتا كەتسەك، 1 شىلدەدە قاراقالپاقستان ازاماتتارى نۇكىس قالاسىندا زاڭسىز دەمونستراتسيا ۇيىمداستىردى. ازاماتتار كونستيتۋتسياعا تۇزەتۋلەر جوباسىنا بايلانىستى ميتينگكە شىقتى. دالىرەك ايتقاندا، ولار قاراقالپاقستاننىڭ وزبەكستاننان شىعۋ قۇقىعى جونىندەگى تارماقتى الىپ تاستاۋ شەشىمىنە قارسى بولعان.

كەيىننەن شاۆكات ميرزيەەۆ قاراقالپاقستاننىڭ قۇقىقتىق مارتەبەسى تۋرالى نورمالار وزگەرىسسىز قالۋى ءۇشىن ولي ءماجليستىڭ زاڭ شىعارۋشى پالاتاسىنا جۇگىندى. سونداي-اق وزبەكستان پرەزيدەنتى قاراقالپاقستاندا ءبىر ايعا توتەنشە جاعداي ەنگىزۋ تۋرالى جارلىق شىعارعانى حابارلاندى.

4 شىلدەدە بارلىق ازىق-ت ۇلىك دۇكەندەرى، بازارلار، نان كاسىپورىندارى، بيرجالار، بانكتەر، ۇيىمدار، اۋرۋحانالار جانە باسقا دا الەۋمەتتىك نىساندار جۇمىسىن تولىعىمەن قالپىنا كەلتىردى.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار