وقيعا • 04 شىلدە، 2022

ەسىرتكى ساتۋمەن اينالىسقان قىلمىستىق توپ مۇشەلەرى ۇستالدى

17 رەت كورسەتىلدى

بۇل تۋرالى ءىىم ەسىرتكىگە قارسى ءىس-قيمىل دەپارتامەنتىنىڭ باسقارما باستىعى باقىتجان ءامىرحانوۆ ءمالىم ەتتى، دەپ حابارلايدى Egemen.kz.

ء«بىرىنشى جارتىجىلدىقتا 1 300-گە جۋىق ەسىرتكى قىلمىسى انىقتالدى. ونىڭ ىشىندە 800-گە جۋىق ەسىرتكى ساتۋ جانە 227 اسا ءىرى كولەمدە ەسىرتكى ساقتاۋ فاكتىلەرى بار. نۇر-سۇلتان قالاسى مەن اتىراۋ وبلىسى اۋماعىندا كاننابيس توبىنا جاتاتىن ەسىرتكى زاتىن جەتكىزۋمەن جانە ساتۋمەن، سونداي-اق پاۆلودار وبلىسىندا سينتەتيكالىق ەسىرتكى ساتۋمەن اينالىسقان ءۇش ۇيىمداسقان قىلمىستىق توپتىڭ ءىس-ارەكەتىنىڭ جولى كەسىلدى»، دەدى ول.

ءىىم وكىلىنىڭ مالىمەتىنشە، 3،3 توننادان استام ءارتۇرلى ەسىرتكى تۇرلەرى، ونىڭ ىشىندە 2 تونناعا جۋىق ماريحۋانا، 366 كەلى گاشيش جانە 84 كەلى سينتەتيكالىق ەسىرتكى تاركىلەنگەن.

نۇر-سۇلتان قالاسىندا جانە الماتى، اقتوبە، الماتى، شىعىس قازاقستان، جامبىل، قوستاناي جانە قاراعاندى وبلىستارىندا 21 ەسىرتكى زەرتحاناسى جويىلدى.

«جىل باسىنان بەرى 1400 ينتەرنەت-رەسۋرس انىقتالىپ، بۇعاتتاۋعا جىبەرىلدى. ينتەرنەت رەسۋرس ارقىلى ەسىرتكى ساتۋ فاكتىلەرى بويىنشا 103 قىلمىستىق ءىس تىركەلدى. ەسىرتكى جارنامالاۋ جانە ناسيحاتتاۋ بويىنشا 57 قىلمىستىق ءىس تەرگەلىپ جاتىر»، دەدى باقىتجان ءامىرحانوۆ.

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار