ەۋرازيالىق ينتەگراتسيا تۇسىنىگى بۇگىندە برەندكە اينالدى

استانا. 28 ءساۋىر. ەۋرازيالىق ينتەگراتسيا تۇسىنىگىبۇگىندە ناعىز برەندكە اينالدى. م.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىندە وقىعان لەكتسياسى بارىسىندا قازاقستان پرەزيدەنتى  نۇرسۇلتان نازارباەۆ وسىنى ايتتى. بۇل تۋرالى egemen.kz ءتىلشىسى حابارلادى. «بۇگىندە ەۋرازيالىق ينتەگراتسيا تۇسىنىگى ساياساتكەرلەر, ەكونوميستەر, جۋرناليستەر, قوعامدىق ورتا بەلسەندى قولداناتىن برەندكە اينالدى», - دەدى ن.نازارباەۆ ءدارىسى كەزىندە. قازاقستان ليدەرى قازىرگى زامانعى ەۋرازيالىق يدەياسىنىڭ ءومىر شىندىعىنان الشاق جاتپاعانىنا نازار اۋداردى. ول ءومىردىڭ ءوز قاجەتتىلىگىنەن تۋىنداپ وتىر. ەڭ الدىمەن ينتەگراتسيالىق ۇدەرىسكە قاتىسۋدا بارلىق ەلدەر ءۇشىن تاۋەلسىزدىك پەن ساياسي ەگەمەندىك, ارينە, باسىم ماسەلە بولىپ قالا بەرمەك. ال ينتەگراتسيا ەلدەردىڭ ءوزارا جاقىنداسۋلارىن تالاپ ەتەدى. «بۇعان قوسا, اۋەل باستان-اق ونىڭ ءمانى قازاقستان, رەسەي, بەلارۋس, سونىمەن قاتار ەۋرازيالىق كەڭىستىكتىڭ باسقا دا ەلدەرىنىڭ  قاراپايىم ادامدارىنىڭ مۇددەسىنە شىنايى قامقورلىق كورسەتۋگە نەگىزدەلگەن», - دەدى نۇرسۇلتان نازارباەۆ. مەملەكەت باسشىسى ءوز سوزىندە وسى جىلدار ىشىندە كەدەن وداعى ەلدەرىنىڭ شەكاراسى اشىق بولا تۇسكەندىگىن, ءۇش ەلدىڭ ازاماتتارى شەكارادان ەركىن ءوتىپ, جۇكتەرىن كەدەرگىسىز تاسىمالداي الاتىن بولعانىن دا اتاپ ءوتتى. مۇرات ايتقوجا. دەرەككوز: egemen.kz فوتو: wikimapia.org.