ۇلىبريتانيانىڭ دەنساۋلىق ساقتاۋ قاۋىپسىزدىگى اگەنتتىگىنىڭ اتقارۋشى ديرەكتورى دجەنني حارريس ەلدە ءبىر اپتادا كوروناۆيرۋس جۇقتىرعاندار سانى 32 پايىزعا وسكەنىن ايتتى. وتكەن اپتادا قاۋىپتى ينفەكتسياعا شالدىققاندار سانىنىڭ شامامەن 500 مىڭعا ارتۋى Omicron-نىڭ BA.4 جانە BA.5 دەپ اتالاتىن ەكى ءتۇرىنىڭ جىلدام تارالۋىنا بايلانىستى.
30 ماۋسىمدا انگليادا ۆيرۋس جۇقتىرىپ, اۋرۋحانادا توسەك تارتقاندار سانى شامامەن 9 مىڭ ادام بولعان. بۇل اي باسىنداعى كورسەتكىشتەن ەكى ەسە كوپ. جالپى انگليادا كوروناۆيرۋس انىقتالعان تۇرعىندار سانى 1 829 100 ادامعا جەتكەن. بۇل حالىقتىڭ 3,35%-ىن قۇراپ وتىر. ۋەلستە بۇل كورسەتكىش 106 مىڭ بولدى, بۇل حالىقتىڭ 3,49% نەمەسە شامامەن 30 ادامنىڭ ءبىرىن قۇرايدى. سولتۇستىك يرلانديادا تەست تاپسىرعاندار اراسىنان 71 مىڭ ادامنان ۆيرۋس انىقتالعان.
