شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, الاياق وسكەمەن تۇرعىندارىنا يپوتەكا راسىمدەۋگە كومەكتەسەتىندىگىن ايتىپ سەندىرگەن. 5 ادامدى تۇزاققا تۇسىرگەن ول 17,5 ملن تەڭگە پايدا كورگەن.
«كاتونقاراعاي اۋدانىنىڭ 25 جاستاعى تۇرعىنى قىلمىستىق ارەكەتىنىڭ ءار قادامىن ويلاستىرىپ العان. الدىمەن ازاماتتاردىڭ سەنىمىنە كىرىپ, سودان كەيىن الدىن الا تولەم جاساۋدى سۇراعان. اقشانى العاننان كەيىن جابىرلەنۋشىلەردىڭ تەلەفون نومىرلەرىن بۇعاتتاپ تاستاپ وتىردى», دەلىنگەن اقپاراتتا.
جەدەل-ىزدەستىرۋ شارالارىن جۇرگىزۋ كەزىندە كۇدىكتى ۇستالدى. تەرگەۋ بارىسىندا ءتارتىپ ساقشىلارى ونىڭ جىلجىمايتىن م ۇلىك سالاسىنا ەشقانداي قاتىسى جوق ەكەنىن انىقتادى.
قازىرگى ۋاقىتتا قر قك-ءنىڭ 190-بابى 3-بولىگىنە سايكەس سوتقا دەيىنگى تەرگەۋ امالدارى جۇرگىزىلۋدە. سونداي-اق ۇستالعان ادامنىڭ باسقا دا وسىنداي قىلمىستارعا قاتىسى بار-جوعى انىقتالۋدا.
